Surah Al-Mumenoon Ayahs #71 Translated in Khmer

ទាំង ឫកក្រអឺតក្រអោងចំពោះអាយ៉ាត់របស់យើង ទាំងពោលបង្កាច់វាចា ដែលពួកអ្នកកំពុងនិទ្រា

ដូចនេះ តើពួកគេមិនទាន់ជញ្ជឹងត្រិះរិះទេឬនូវពាក្យសំដីគួរអាន? ឬក៏បានទៅដល់ពួកគេ អ្វីដែលមិន ទាន់បានដល់ទៅពួកជីដូនជីតាពួកគេកាលដំបូងឡើយ?

ឬក៏ពួកគេមិនទាន់ស្គាល់រ៉សូលរបស់ ពួកគេទេ រួចមកពួកគេគឺជាពួកដែលមិនទទួលស្គាល់ចំពោះរ៉សូលនោះ?

ឬមួយពួកគេនិយាយពី រ៉សូលនោះថា ជាមនុស្សវិកលចរិត។ ផ្ទុយទៅវិញ រ៉សូលបានដល់ទៅពួកគេដោយនាំសច្ចធម៌ ហើយ ភាគច្រើនណាស់នៃពួកគេ គឺជាពួកដែលស្អប់ខ្ពើមចំពោះសច្ចធម៌

ហើយប្រសិនបើសច្ចភាពបាន តាមមហិច្ឆតារបស់ពួកគេ ប្រាកដជាត្រូវបានវិនាសហិនហោចអស់មេឃ និងដី ព្រមទាំងអ្នក ដែលមាននៅឯភពទាំងនោះ។ ផ្ទុយទៅវិញ យើងបានផ្តល់ទៅពួកគេនូវការរំលឹកចំពោះពួកគេ រួច មកពួកគេ គឺជាពួកបែរងាកពីការរំលឹកចំពោះពួកគេនោះទៅវិញ