Surah Al-Maeda Ayahs #84 Translated in Khmer

អ្នក ឃើញភាគច្រើននៃពួកគេ យកពួកដែលបានបាត់បង់ជំនឿធ្វើ ជាមិត្តជិតស្និទ្ធ។ ពិតជាអាក្រក់ណាស់ អ្វីដែលខ្លួនរបស់ពួកគេ បានប្រព្រឹត្ត។ សម្រាប់ពួកគេ គឺត្រូវបានអល់ឡោះខឹងពួកគេ ហើយនៅក្នុងទណ្ឌកម្ម ពួកគេជាអ្នកនៅជាអនន្តកាល

ហើយប្រសិនបើពួកគេបានជឿនឹងអល់ឡោះ ជឿណាពី និងអ្វី ដែលគេបានបញ្ចុះទៅណាពី ពួកគេពិតជាមិនបានយកពួកដែល បាត់បង់ជំនឿធ្វើជាមិត្តជិតស្និទ្ធឡើយ ប៉ុន្តែភាគច្រើនណាស់នៃ ពួកគេជាមនុស្សដែលខិលខូច

អ្នកពិតជានឹងប្រទះមនុស្ស ជាសត្រូវខ្លាំងជាងគេចំពោះពួកដែលបានជឿ គឺពួកយ៉ាហ៊ូទ និងពួកដែលបានធ្វើស៊ីរិក។ ហើយអ្នកពិតជានឹងប្រទះពួកគេ ជាទីស្រលាញ់ជិតជាងគេ ចំពោះពួកដែលបានជឿ គឺពួកដែល បាននិយាយថា ពួកយើងជាពួកណាសារ៉។ រឿងដូចនេះ ដោយ សារមានក្នុងចំណោមពួកគេ គឺមានពួកវិជ្ជាការ និងបព្វជិត ហើយនឹងដោយសារតែពួកគេ មិនបានកាន់ប្ញកក្អេងក្អាង

កាលណាពួកគេបានឮនូវអ្វីដែលគេបានបញ្ចុះទៅកាន់រ៉សូលនោះ អ្នកនឹង ឃើញភ្នែករបស់ពួកគេបង្ហូរទឹកភ្នែក ដោយសារតែពួកគេបានយល់ពីការ ពិត។ ពួកគេនិយាយថា ឱម្ចាស់របស់យើ់ង! ពួកយើងជឿហើយ ហេតុនេះ សូមលោកកត់ត្រាយើងជាមួយពួកសាក្សីផង

តើយើងមានអ្វីដែលថា យើងមិនជឿនឹងអល់ឡោះ មិនជឿនឹងការពិត ដែលបានមកដល់យើង ហើយក្នុងករណីយើង មានមហិច្ឆតាចង់ឱ្យម្ចាស់យើងបញ្ចូលយើងជាមួយ អ្នកគុណធម៌