Surah Al-Maeda Ayahs #64 Translated in Khmer

ចូរថា ទៅតើយើងនឹងប្រាប់ពួកអ្នកឬ ស្តីពីការអាក្រក់ជាងនោះទៅទៀត ខាងការទូទាត់នៅ ឯអល់ឡោះ គឺជនដែលអល់ឡោះបានផ្តន្ទា និងខឹង និងបានធ្វើឱ្យពួកគេខ្លះក្លាយជាសត្វ ស្វា សត្វជ្រូក និងជាជនគោរពគារវរូប។ ពួកទាំងនោះ គឺអាក្រក់ខាងទីកន្លែង និងវង្វេង ឆ្ងាយពីផ្លូវត្រូវ

ហើយកាលណាពួកគេបានមកដល់ពួកអ្នក ពួកគេថា ពួកយើងបាន ជឿហើយ ការពិតពួកគេបានចូលមកដោយការអជំនឿ ហើយពួកគេបានចេញទៅ ក៏ដោយការអជំនឿដែរ។ ហើយអល់ឡោះដឹងណាស់ពីអ្វីដែលពួកគេធ្លាប់លាក់បាំង

អ្នកឃើញភាគច្រើននៃពួកគេរួសរាន់បំផុតទៅក្នុងបាបកម្ម ការបំពារបំពាន និងការស៊ី របស់ពួកគេនូវប្រការហាមឃាត់។ ការពិតអាក្រក់ណាស់អ្វីដែលពួកគេធ្លាប់បានប្រព្រឹត្ត

ហេតុអ្វីមេសាសនា និងពួកអ្នកប្រាជ្ញមិនហាមប្រាមពួកគេពីពាក្យសំដីពួកគេ នូវ ពាក្យបាបកម្ម និងពីការស៊ីរបស់ពួកគេ នូវប្រការហាមឃាត់? ការពិតអាក្រក់ណាស់អ្វី ដែលពួកគេធ្លាប់បានសាងនោះ

ពួកយ៉ាហ៊ូទថា យ៉ាទីអល់ឡោះត្រូវជាប់ខ្នោះ ដៃ ពួកគេនោះទេដែលត្រូវបានជាប់ខ្នោះ។ ហើយពួកគេត្រូវបានផ្តន្ទា ដោយសារតែពួកគេ បាននិយាយ។ ផ្ទុយទៅវិញ យ៉ាទីទាំងពីររបស់លោកត្រូវលា លោកបានបរិច្ចាគតាមតែ លោកប្រាថ្នា។ ហើយអ្វីដែលគេបានបញ្ចុះទៅអ្នកមកពីម្ចាស់របស់អ្នកនោះ ពិតជានឹង ធ្វើឱ្យភាគច្រើននៃពួកគេរឹតតែផ្គើនបំពាន និងអជំនឿថែមទៀត។ ហើយយើងក៏បាន ដាក់អរិភាព និងទោសៈរវាងពួកគេ រហូតដល់ថ្ងៃវិនិច្ឆ័យ។ នៅរាល់លើកដែលពួកគេ បានដុតភ្លើងសង្គ្រាម អល់ឡោះក៏បានពន្លត់ភ្លើងនោះវិញ។ ពួកគេសាងវិនាសកម្មនៅ លើដី។ ហើយអល់ឡោះក៏មិនស្រឡាញ់ពួកដែលបានសាងវិនាសកម្មនោះឡើយ