Surah Al-Maeda Ayahs #114 Translated in Khmer

(ចូររំលឹក) ក្នុងពេលដែលអល់ឡោះថា ឱអ៊ីសាបុត្រាម៉ារីយ៉ាំ! ចូរអ្នករំលឹកការ អនុគ្រោះរបស់យើងទៅលើអ្នក និងទៅលើមាតាអ្នក ក្នុងពេលដែល យើងបានពង្រឹងអ្នកដោយបរិសុទ្ធញាណ អ្នកនិយាយទៅមនុស្សពេល វ័យក្នុងអង្រឹង និងចាស់ទុំ។ ពេលដែលយើងបានបង្រៀនអ្នក នូវការ សរសេរយល់ដឹងតាវរ៉ត និងអិនជីល។ ពេលដែលអ្នកបង្កើតពីដីឥដ្ឋ ជា រាងបក្សីដោយការអនុញ្ញាតពីយើង រួចមកអ្នកផ្លុំទៅក្នុងរូបនោះ រួចក៏ ក្លាយជាបក្សីមួយដោយការអនុញ្ញាតពីយើង។ អ្នកធ្វើឱ្យជាដល់មនុស្ស ខ្វាក់ និងកើតឃ្លង់ដោយអនុញ្ញាតពីយើង។ ពេលដែលអ្នកបានប្រោស មនុស្សស្លាប់ ដោយការអនុញ្ញាតពីយើង។ ពេលដែលយើងបានទប់ ស្កាត់បុត្រអ៊ីស្រាឯលពីអ្នក ក្នុងពេលដែលអ្នកបាននាំបណ្តាសក្ខីភាព ទៅកាន់ពួកគេ រួចពួកដែលបានអជំនឿនៃពួកគេថា នេះគ្មានអ្វីក្រៅពី មន្តអាគមមួយដ៏ជាក់ច្បាស់ឡើយ

ហើយពេលដែលយើងបាន វ៉ាហ៊ីទៅពួកគោរពតាមអ៊ីសាថា ចូរពួកអ្នកជឿនឹងយើង ហើយនឹង រ៉សូលយើង ពួកគេថា យើងជឿហើយ សូមលោកធ្វើសាក្សីផងថា ពួក យើងពិតជាអ្នកប្រគល់ខ្លួនគោរព

ពេលពួកសាវ័កថា ឱអ៊ីសា បុត្រាម៉ារីយ៉ាំ! តើម្ចាស់អ្នកមានលទ្ធភាពនឹងបញ្ចុះមកលើយើង នូវថាស អាហារពីមេឃដែរឬទេ? អ៊ីសាថា ចូរពួកអ្នកគោរពកោតខ្លាចអល់ឡោះ បើពួកអ្នកជាអ្នកមានជំនឿ

ពួកគេថា យើងចង់បរិភោគអាហារ នោះ និងចង់ឱ្យចិត្តរបស់យើងកក់ក្តៅ ចង់ឱ្យយើងដឹងថា អ្នកបាននិយាយ ពិតមកកាន់យើង ហើយចង់ឱ្យយើងជាអ្នកសាក្សីនៅលើរឿងនោះ

អ៊ីសាបុត្រាម៉ារីយ៉ាំថា ឱអល់ឡោះម្ចាស់យើង! សូមលោកបញ្ចុះមកយើង នូវអាហារ មួយថាសពីមេឃ ដើម្បីជាពិធីមួយសម្រាប់ពួកយើង និងសម្រាប់អ្នកដំបូងយើង និង អ្នក ក្រោយបង្អស់នៃពួកយើង និងជាភស្តុតាងមួយពីលោក។ សូមលោកប្រទានអាហារ មកយើង ហើយលោកជាអ្នកផ្គត់ផ្គង់ដ៏ល្អ