Surah Al-Kahf Ayahs #29 Translated in Khmer

ហើយពួកគេបានស្នាក់ អាស្រ័យនៅក្នុងគុហារបស់ពួកគេបីរយឆ្នាំ ហើយពួកគេត្រូវបានថែមប្រាំបួន(ឆ្នាំ)ទៀត

ចូរថាទៅ អល់ឡោះដឹងបំផុតនូវអ្វីដែលពួកគេបានស្នាក់អាស្រ័យ។ កម្មសិទ្ធិរបស់ លោក គឺអាថ៌កំបាំងមានភពមេឃទាំងឡាយនិងភពផែនដី។ លោកឃើញបំផុត ហើយឮ បំផុត។ ក្រៅពីលោក ពួកគេគ្មានអ្នកគាំពារណាម្នាក់ឡើយ លោកក៏មិនសហការជាមួយ អ្នកណាម្នាក់ នៅក្នុងបញ្ជាការរបស់លោកដែរ

ហើយចូរអ្នកសូត្រនូវអ្វីដែលគេបាន វ៉ាហ៊ីទៅកាន់អ្នក នៃគម្ពីររបស់ម្ចាស់អ្នក គ្មានអ្នកណាអាចផ្លាស់ប្តូរចំពោះសំដីរបស់ លោកឡើយ។ ហើយអ្នកនឹងមិនប្រទះឡើយក្រៅពីលោក នូវទីជ្រកកោនណាមួយ

ហើយចូរអ្នកទ្រាំអត់ធ្មត់ខ្លួនអ្នកផ្ទាល់ ជាមួយនឹងពួកដែលបានបួងសួងចំពោះម្ចាស់ ពួកគេទាំងពេលព្រឹកនិងពេលល្ងាច ពួកគេប៉ងប្រាថ្នានូវការយល់ព្រមអំពីលោក។ ហើយភ្នែកទាំងពីររបស់អ្នក កុំងាកចេញពីពួកគេ ដោយប្រាថ្នាសោភ័ណភាពជីវិត លោកិយ។ ហើយចូរអ្នកកុំគោរពចំពោះជនដែលបានបង្វែរចិត្តរបស់គេពីការនឹកមក យើង ដោយជននោះ បានធ្វើតាមកិលេសតណ្ហារបស់គេ ហើយការងាររបស់គេ គឺ ហួសខ្នាត

ថាទៅ សច្ចធម៌គឺមកពីម្ចាស់ពួកអ្នក។ សូមជឿចុះ ជនណាដែលមាន បំណង ហើយអជំនឿចុះ ជនណាដែលមានបំណង។ ការពិតយើងបានរៀបចំ សំរាប់ពួកបំពាន នូវនរកមួយដែលហ៊ុំព័ទ្ធពួកគេដោយរបងរបស់វា។ហើយប្រសិន បើពួកគេសុំទឹកផឹក ពួកគេនឹងត្រូវគេឱ្យផឹកដោយទឹកមួយបីដូចលោហធាតុរលាយ ដែលនឹងដុតកំលោចមុខ។ ភេសជ្ជៈដ៏អាក្រក់! ហើយទីស្នាក់នៅដ៏អាក្រក់!