Surah Al-Jathiya Ayahs #10 Translated in Khmer

ទាំងអស់នោះហើយ ជាអាយ៉ាត់ៗអល់ឡោះ ដែលយើងបានសូត្រអាយ៉ាត់នោះ ទៅលើអ្នកដោយសច្ចៈ។ ដូចនេះបន្ទាប់ពីអល់ឡោះ និងអាយ៉ាត់ៗ នេះទៅ តើពាក្យសំដីណាមួយដែលពួកគេនឹងមានជំនឿ?

គឺអភ័ព្វមួយ សម្រាប់អ្នកដែលពូកែភូត កុហកបំផុត ហើយសាងបាបកម្មទៀត

គេបានឮ នូវអាយ៉ាត់ៗអល់ឡោះ ដែលគេបានសូត្រទៅ លើគេ ក្រោយមក គេនៅតែជាអ្នកវាយប្ញកក្រអឺតទៀត ហាក់បីដូចខ្លួនគេ មិនឮសោះនូវអាយ៉ាត់ៗនោះ។ ដូចនេះ ចូរអ្នកផ្តល់ដំណឹងទៅជននោះ នូវទណ្ឌកម្មមួយដ៏ខ្លោចផ្សា

ហើយកាលណាជន នោះបានដឹងអ្វីមួយនៃអាយ៉ាត់ៗយើង ជននោះបានទទួលយកអាយ៉ាត់ៗនោះ ធ្វើជាការចំអកដាក់។ ពួកទាំងនោះហើយ ដែលសម្រាប់ពួកគេ គឺទណ្ឌកម្មមួយដ៏ទាបថោកបំផុត

ពីខាងក្រោយពួកគេ គឺនរកអវិចី។ នឹងមិនអាចការពារពួកគេបន្តិចសោះឡើយ អ្វីដែលពួកគេបានខំប្រឹងធ្វើនោះ ហើយ ក៏មិនការពារបានដែរ អ្វីដែលពួកគេបានទទួលយកធ្វើជាអ្នកគាំពារដោយពុំមែនអល់ឡោះ។ ហើយ សម្រាប់ពួកគេ គឺទណ្ឌកម្មមួយដ៏ធំសំបើមក្រៃលែង