Surah Al-Furqan Ayahs #62 Translated in Khmer

ហើយចូរអ្នក ប្រគល់ក្តីទុកចិត្តទៅម្ចាស់ដែលរស់នៅអមតៈ ដែលនឹងមិនចូលទីវង្គតឡើយ ហើយចូរអ្នក សំដែងមហាកត្តិគុណ ដោយការកោតសរសើរស្ញប់ស្ញែងលោក។ វាគ្រប់គ្រាន់ណាស់ លោក ជាអ្នកដែលដឹងជ្រាបបំផុត នូវបាបកម្មទាំងឡាយនៃមនុស្សរបស់លោក

លោកជាអ្នក ដែលបានបង្កើតមេឃ និងដី ព្រមទាំងវត្ថុដែលមាននៅចន្លោះទាំងពីរនោះ ក្នុងរយៈកាល ប្រាំមួយថ្ងៃ ក្រោយមកលោកបានអ៊ីសតាវ៉ាលើអារ៉ស្ស គឺជាអ្នកដែលមហាសប្បុរស ដូចនេះ ចូរអ្នកសួរពីលោកនូវអ្នកដែលចេះដឹង

ហើយកាលណា ដែលគេបាននិយាយទៅកាន់ ពួកគេថា ចូរពួកអ្នកស៊ូជោទចំពោះម្ចាស់សប្បុរស ពួកគេបានឆ្លើយវិញថា ហើយអ្នកណាទៅ អ្នកសប្បុរសនោះ? តើយើងត្រូវស៊ូជោទចំពោះអ្វីដែលអ្នកកំពុងបង្គាប់បញ្ជាយើងឬ?។ កិច្ច បញ្ជានេះ បានថែមទៅពួកគេកាន់តែទាស់ចិត្តទៅទៀត

បានចំរើនប្រសិទ្ធិហើយអ្នក ដែលបានចាត់នៅឯមេឃនូវតារានិករ(ភពផ្កាយ)ទាំងឡាយ ហើយលោកចាត់នៅឯមេឃ នូវពន្លឺសុរិយា និងចន្ទ្រាដ៏ភ្លឺចិញ្ចាច

ហើយលោកដែលចាត់រាត្រីកាល និងទិវាកាលនូវ ដំណើរឆ្លាស់គ្នាមួយ សម្រាប់ជនដែលមានបំណងនឹងរលឹកឡើងវិញ ឬមានបំណងកតញ្ញុតា