Surah Al-Baqara Ayahs #93 Translated in Khmer

នៅពេលដែលគម្ពីរមួយពីអល់ឡោះបានទៅដល់ពួកគេ ដែលបញ្ជាក់ពីអ្វីដែល មានជាមួយពួកគេស្រាប់ ក្នុងករណីដែលពីមុនមកពួកគេធ្លាប់សុំនឹងអល់ឡោះ ចង់បានជ័យជំនះលើពួកដែលមិនបានជឿ ។ នៅគ្រាដែលអ្វីដែលពួកគេបាន ស្គាល់វាស្រាប់នោះបានទៅដល់ពួកគេ ស្រាប់តែពួកគេមិនជឿនឹងប្រការនោះទៅវិញ។ ដូចនេះ បណ្តាសាអល់ឡោះក៏ត្រូវទៅលើពួកដែលមិនជឿ

អាក្រក់ណាស់ដែលពួកគេបានលក់ខ្លួនពួកគេដោយសារប្រការនោះ មកពីពួកគេ មិនជឿនឹងអ្វីដែលអល់ឡោះបានបញ្ចុះមក ព្រោះតែការឈ្នានីស ដែលអល់ឡោះ បញ្ចុះមក នូវក្តីប្រោសប្រទានរបស់លោកទៅលើជនដែលណាលោកមានបំណង ប្រាថ្នាពីក្នុងចំណោមពួកអ្នកគោរពលោក។ ហើយពួកគេ ក៏បាននាំត្រលប់នូវ កំហឹងលើកំហឹង។ ហើយសម្រាប់ពួកដែលមិនជឿ គឺទណ្ឌកម្មដ៏វេទនាបំផុត

កាលណាគេនិយាយទៅកាន់ពួកគេថា ចូរពួកអ្នកជឿនឹងអ្វីដែលអល់ឡោះបាន បញ្ចុះមក។ ពួកគេក៏ថា ពួកយើងជឿនឹងអ្វីដែលគេបានបញ្ចុះមកលើពួកយើងប៉ុណ្ណោះ ហើយពួកគេមិនជឿទេ នូវប្រការដែលមានពីក្រោយនោះ។ ក្នុងករណីប្រការនេះគឺសច្ចៈ ដោយបញ្ជាក់ចំពោះអ្វីដែលមាននៅជាមួយពួកគេស្រាប់។ ថាទៅចុះហេតុអ្វី? ពួកអ្នកធ្វើឃាតណាពីៗអល់ឡោះកាលពីមុននោះ បើពួកអ្នកជាអ្នកជឿមែន

ជាការពិតណាស់ មូសាបាននាំទៅកាន់ពួកអ្នក នូវអាយ៉ាត់ទាំងឡាយ បន្ទាប់ពីនោះ ពួកអ្នកបានទទួលយកកូនគោ (ធ្វើជាសក្ការៈ) ដោយពួកអ្នកជាពួកដែលបំពាន

ហើយនៅពេលដែលយើងបានសម្រេច យកកិច្ចសន្យាពួកអ្នក និងយើងលើកភ្នំតួរ៍ដាក់លើពួកអ្នក។ ចូរពួកអ្នកយក ដោយខ្លាំងក្លា នូវអ្វីដែលយើងបានផ្តល់ទៅពួកអ្នក ហើយចូរពួកអ្នកស្តាប់។ ពួកគេថា យើងឮហើយ តែយើងមិនគោរពតាមទេ។ ក្នុងចិត្តពួកគេ ត្រូវបានដក់ ជាប់ដោយកូនគោ ដោយសារការមិនជឿរបស់ពួកគេ។ ថាទៅ អាក្រក់ណាស់ ដែលជំនឿពួកអ្នកបានបញ្ជាពួកអ្នកឱ្យធ្វើនោះ បើពួកអ្នកជាអ្នកជឿមែន