Surah Al-Baqara Ayahs #250 Translated in Khmer

តើអ្នកមិនទាន់ឃើញទេឬ ចំពោះបណ្តាមេក្រុមនៃបុត្រអ៊ីស្រាឯលបន្ទាប់ពី មូសា នៅពេលដែលពួកគេបាននិយាយទៅកាន់ណាពីម្នាក់របស់ពួ់កគេថា ចូរអ្នកតែងតាំងឱ្យពួកយើងនូវមហាក្សត្រមួយអង្គ ពួកយើងនឹងប្រយុទ្ធក្នុងផ្លូវអល់ឡោះ។ ណាពីនិយាយថា តើពួកអ្នកមានបានគិតទេថា បើគេបានដាក់បញ្ញត្តិលើពួកអ្នកឱ្យប្រយុទ្ធ ពួកអ្នកនឹងមិនប្រយុទ្ធទេនោះ? ពួកគេថាចុះហេតុអ្វីបានជាថា ពួកយើងនឹងមិនប្រយុទ្ធក្នុងផ្លូវអល់ឡោះក្នុងករណី ដែលពួកគេបានបណ្តេញពួកយើងចេញពីគេហដ្ឋានរបស់ពួកយើងនិងពីកូន ចៅពួកយើងនោះ។ រួចនៅពេលដែលគេដាក់បញ្ញត្តិលើពួកគេឱ្យប្រយុទ្ធ ពួកគេបានគេចចេញលើកលែងតែបន្តិចបន្តួចបំផុតនៃពួកគេ។ ហើយអល់ឡោះជាអ្នកដឹងបំផុតចំពោះពួកដែលបំពាន

ហើយណាពីពួកគេបាននិយាយទៅកាន់ពួកគេថា អល់ឡោះពិតជាបានតែងតាំងតលូតជារាជាមួយអង្គសម្រាប់ពួកអ្នក។ ពួកគេថាចុះហេតុអ្វីបានជាតួនាទីរាជាលើពួកយើងត្រូវបានទៅគេ ក្នុងករណីពួកយើងសក?ស្តិមជារាជាជាងរូបគេហើយ រូបគេក៏មិនត្រូវបានគេផ្តល់នូវការទូលាយនៃទ្រព្យសម្បត្តិផងនោះ។ណាពីថាអល់ឡោះពិតជាបានជ្រើសរើសរូបគេលើពួកអ្នកហើយលោកបានថែមទៅ ខ្លូនគេនូវភាពទូលំទូលាយនៃវិជ្ជា និងរូបសម្បត្តិ។ហើយអល់ឡោះលោកបានផ្តល់តួនាទីរាជារបស់លោកទៅកាន់ជនណាដែលលោកសោមនស្ស។ អល់ឡោះជាអ្នកទូលាយជាអ្នកដឹងបំផុត

ណាពីពួកគេបាននិយាយទៅ កាន់ពួកគេថា ការពិតភស្តុតាងនៃតួនាទីរាជារបស់គេ គឺករណីដែលហឹប នឹងមកដល់ពួកអ្នកទាំងឡាយ ដែលក្នុងនោះ មានការស្ងប់មួយពីម្ចាស់ពួក អ្នក និងមានសំណល់មួយនៃអ្វីដែលបានបន្សល់ទុកដោយក្រុមញាតិមូសា និងក្រុមញាតិហារូនដែលទ្រដោយពួកម៉ាឡាអ៊ីកាត់។ ការពិតនៅក្នុងករណីទាំងនេះជាអាយ៉ាត់មួយសំរាប់ពួកអ្នក បើពួកអ្នកជាពួកមានជំនឿមែន

រួចមកនៅពេលដែលតលូតបានចេញដំណើរទៅជាមួយនឹងទ័ព គេបាននិយាយថា អល់ឡោះពិតជាអ្នកសាកល្បងពួកអ្នកនឹងស្ទឹងមួយពេលនោះ ជនណាបានផឹកទឹកពីស្ទឹងនោះជននោះពុំមែនអំពីយើងទេ ហើយជនណាមិនផឹកទឹកនោះទេ ជននោះពិតជាអំពីយើងលើកលែងតែជនដែលបានក្បង់ទឹកមួយក្បង់នឹងដៃរបស់ខ្លូន។ រួចមកពួកគេបានផឹកទឹកស្ទឹងនោះលើកលែង តែបន្តិចបន្តួចបំផុតនៃពួកគេ។ រួចមក ខណៈដែលតលូតនិងពួកដែលបានជឿជាមួយគេបានឆ្លងផុតស្ទឹង ពួកគេបាននិយាយថាថ្ងៃនេះពួកយើងគ្មានលទ្ធភាពតទល់នឹងចាលូត ព្រមទាំងកងទ័ពរបស់គេទេ។ពួកដែលគិតថា ពួកគេពិតជាបានជួបនឹងអល់ឡោះពួកគេបាននិយាយថាភាគច្រើនមកហើយ ក្រុមមួយដ៏តិចតួចបំផុតបានឈ្នះក្រុមមួយដ៏ច្រើនបំផុតតាមការ អនុញ្ញាតពីអល់ឡោះ។ ហើយអល់ឡោះជាមួយនឹងពួកអត់ធ្មត់

ហើយខណៈដែលពួកគេបានបង្ហាញខ្លួនចំពោះចាលូត និងទ័ពរបស់គេនោះពួកគេបាននិយាយថាឱម្ចាស់របស់យើង សូមមេត្តាលោកចាក់ស្រោចមកលើពួកយើងផងនូវក្តីអត់ធ្មត់ សូមលោកពង្រឹងបាតជើងរបស់ពួកយើងផង ហើយសូមលោកជួយពួកយើងលើក្រុមមនុស្សអជំនឿផង