Surah Al-Araf Ayahs #36 Translated in Khmer

ចូរអ្នកនិយាយថា តើជនណាដែលបានហាមឃាត់គ្រឿងតុបតែងរបស់អល់ឡោះ ដែលលោក បានបញ្ចោញឱ្យបណ្តាមនុស្សរបស់លោក ព្រមទាំងភាពល្អឆ្ងាញ់ទាំងឡាយនៃចំណីអាហារ? ។ ចូរអ្នកនិយាយថា ទាំងអស់នោះ គឺក្នុងជីវិតបច្ចុប្បន្ន រីឯថ្ងៃរស់ឡើងវិញ គឺសុទ្ធសាធសំរាប់តែ ពួកដែលបានមានជំនឿប៉ុណ្ណោះ។ ប្រៀបដូចទាំងនេះហើយ ដែលយើងបកស្រាយវែកញែកនូវ អាយ៉ាត់ទាំងឡាយ សំរាប់ក្រុមមនុស្សដែលចេះដឹង

ចូរអ្នកថា ម្ចាស់យើងបានហាមឃាត់ តែចំពោះអាស្រូវភាសទាំងឡាយដោយចំហ ឬបិទបាំង និងបាបកម្ម ការរំលោភបំពានដោយឥត សច្ចធម៌ការស៊ីរិកនឹងអល់ឡោះនូវអ្វីដែលលោកមិនបានដាក់ចុះមក នូវភស្តុតាងណាមួយ និង ករណីដែលពួកអ្នកចេញវាចាទៅលើអល់ឡោះ នូវអ្វីដែលពួកអ្នកឥតមានដឹងសោះ

សំរាប់ ក្រុមមនុស្សនីមួយៗមានកាលកំណត់ កាលណាកាលកំណត់របស់មនុស្ស បានចូលដល់ហើយ ពួកគេពុំអាចសុំពន្យារមួយវិនាទី ហើយក៏មិនអាចសុំមុនបានដែរ

បុត្រអាដាម! ប្រសិនបើ មានពួករ៉សូលក្នុងចំណោមពួកអ្នកទៅដល់ពួកអ្នក ដើម្បីនិទានរៀបរាប់ឱ្យស្តាប់ នូវអាយ៉ាត់ ទាំងឡាយរបស់យើង ហើយជនណាបានគោរពកោតខ្លាច និងបានកែទំរង់ឡើងវិញ គ្មានទេ ការភ័យខ្លាចទៅលើពួកគេ ហើយពួកគេក៏ឥតព្រួយបារម្ភដែរ

រីឯបណ្តាអ្នកដែលបដិសេធ នឹងអាយ៉ាត់ទាំងឡាយរបស់យើង ព្រមទាំងប្រកាន់ប្ញកក្អេងក្អាងនឹងអាយ៉ាត់ទាំងនោះទៀត ពួក គេទាំងនេះ ជាបក្សពួកនរក។ ពួកគេជាអ្នកអនន្តកាលនៅក្នុងនរក