Surah Al-Ankabut Ayahs #46 Translated in Khmer

អល់ឡោះពិតជាដឹង នូវវត្ថុដែលពួកគេបួងសួងក្រៅពី លោក។ ហើយលោក គឺជាអ្នកមានពលានុភាព មហាគតិបណ្ឌិត

ឧបមាទាំងនេះ យើងលើកវាឡើងសម្រាប់ពួកមនុស្ស។ ហើយ មានតែពួកអ្នកចេះទេ ដែលយល់ដឹងវានោះ

អល់ឡោះ បានបង្កើត មេឃទាំងឡាយ និងដី ដោយសច្ចធម៌។ ការពិតក្នុងព្រឹត្តិការណ៍ទាំង នេះ គឺជាភស្តុតាងមួយសម្រាប់ពួកអ្នកដែលជឿ

ចូរអ្នកសូត្រនូវ អ្វីដែលគេបានវ៉ាហ៊ីទៅកាន់អ្នកនៃគម្ពីរ ចូរអ្នកបញ្ឈរសឡាតិ៍។ពិត ប្រាកដណាស់សឡាតិ៍នឹងហាមឃាត់ពីអំពើអាស្រូវទាំងឡាយ និង អំពើមិនគប្បី។ ហើយការរំលឹកទៅដល់អល់ឡោះ គឺប្រាកដជាមហា ធំធេង ហើយអល់ឡោះបានដឹង នូវអ្វីដែលពួកអ្នកបានប្រព្រឹត្ត

ហើយចូរពួកអ្នកកុំប្រឈ្លោះនឹងក្រុមអះលីគីតាប ក្រៅពីដោយប្រការដែលល្អ ប្រសើរ លើកលែងតែពួកដែលបានប្រព្រឹត្តអយុត្តិធម៌ ក្នុងចំណោមពួកគេ។ ហើយពួកអ្នកថាទៅ ពួកយើងបានជឿជាក់នឹងអ្វីដែលគេបានដាក់ចុះមកកាន់ ពួកយើង និងដែលគេបានដាក់ចុះទៅកាន់ពួកអ្នក ហើយម្ចាស់ពួកយើង និង ម្ចាស់ពួកអ្នកតែមួយ ហើយយើងចំពោះលោក គឺជាអ្នកប្រគល់ខ្លួនគោរព