Surah Al-Ankabut Ayahs #33 Translated in Khmer

ការ ពិតតើពួកអ្នកឬ ដែលពិតជារួមភេទបុរសដូចគ្នា ហើយពួកអ្នកបានស្ទាក់ផ្លូវ ព្រមទាំងពួកអ្នកបានប្រព្រឹត្តអំពើមិនគប្បី នៅក្នុងសមោសររបស់ពួកអ្នក?។ ដូចនេះ ចំលើយនៃក្រុមមនុស្សរបស់គេ មិនមានអ្វីក្រៅពីដែលពួកគេបាន និយាយថា ចូរអ្នកនាំមកកាន់ពួកយើង នូវទណ្ឌកម្មរបស់អល់ឡោះ ប្រសិន បើអ្នកមានក្នុងចំណោមពួកអ្នកទៀងត្រង់មែននោះ

លូទនិយាយថា ឱ ម្ចាស់របស់ខ្ញុំ! សូមលោកមេត្តាជួយខ្ញុំលើក្រុមមនុស្សប្រព្រឹត្តវឹកវរផង

ហើយនៅពេលដែលម៉ាឡាអ៊ីកាត់ជារ៉សូលរបស់យើង បាននាំទៅកាន់អ៊ីព្រហ៊ីម នូវដំណឹងរីករាយ ពួកគេថា ពួកយើងគឺពិតជាអ្នកដែលធ្វើឱ្យវិនាសអ្នកស្រុកនេះ។ ការពិតអ្នកស្រុកនេះ ពួកគេជាពួកអយុត្តិធម៌

អ៊ីព្រហ៊ីមនិយាយថានៅក្នុងបុរី នេះ ពិតជាមានលូទ។ ពួកម៉ាឡាអ៊ីកាត់ថា យើងដឹងណាស់ពីអ្នកដែលមាននៅ បុរីនោះ យើងប្រាកដជានឹងសង្គ្រោះគេ ព្រមទាំងគ្រួសាររបស់គេលើកលែងតែ ភរិយារបស់គេ នាងមានក្នុងចំណោមពួកដែលឋិតនៅក្នុងពួកដែលវិនាស

ហើយនៅពេលដែលម៉ាឡាអ៊ីកាត់ជារ៉សូលរបស់យើងបានទៅដល់ លូទក៏បាន កើតមានទុក្ខព្រួយ ដោយសារពួកគេបានដឹងថា គ្មានលទ្ធភាពនឹងជួយការពារ ពួកគេបាន ហើយពួកម៉ាឡាអ៊ីកាត់ថា ចូរអ្នកកុំខ្លាច ហើយចូរអ្នកកុំកើតទុក្ខ ពួកយើងពិតជាអ្នកជួយសង្គ្រោះអ្នក ព្រមទាំងគ្រួសាររបស់អ្នក លើកលែងតែ ភរិយារបស់អ្នក នាងមានក្នុងចំណោមពួកឋិតនៅក្នុងពួកវិនាស