Surah Al-Ankabut Ayahs #27 Translated in Khmer

រីឯពួកដែលមិនបានជឿនឹងអាយ៉ាត់ៗរបស់អល់ឡោះ ព្រមទាំងការជួប នឹងលោក ពួកទាំងនោះហើយដែលបានអស់សង្ឃឹម ពីក្តីអាណិតអាសូររបស់យើង ហើយ ពួកទាំងនេះហើយ ដែលសម្រាប់ពួកគេទាំងនោះ គឺទណ្ឌកម្មមួយដ៏សែនខ្លោចផ្សា

ដូចនេះ ចំលើយនៃក្រុមមនុស្សរបស់គេ មិនមានអ្វីក្រៅពីដែលពួកគេថា ចូរ ពួកអ្នកសម្លាប់គេទៅ ឬក៏ពួកអ្នកដុតគេទៅ រួចមកអល់ឡោះបានសង្គ្រោះ គេអំពីភ្លើង។ ការពិត នៅក្នុងព្រឹត្តិការណ៍នេះ គឺប្រាកដជាភស្តុតាងទាំងឡាយ សម្រាប់ក្រុមមនុស្សដែលជឿ

ហើយអ៊ីព្រហ៊ីមថា ការពិតដែលពួកអ្នក បានទទួលយកក្រៅពីអល់ឡោះនូវបដិមានោះ គឺគ្រាន់តែជាសម្ព័ន្ធភាពមួយ រវាងពួកអ្នកក្នុងជីវិតលោកិយប៉ុណ្ណោះ។ ក្រោយមក នាថ្ងៃងើបឡើងវិញភាគ ខ្លះនៃពួកអ្នកនឹងបោះបង់ចោលចំពោះភាគខ្លះទៀត ហើយភាគខ្លះនៃពួកអ្នក នឹងប្រទេចផ្តាសាចំពោះភាគខ្លះទៀត ហើយទីជម្រករបស់ពួកអ្នក គឺនរក។ហើយ ពួកអ្នកគ្មានអ្នកជួយដែរ

លូទក៏បានជឿចំពោះអ៊ីព្រហ៊ីម ហើយគេថា យើងពិតជាភៀសខ្លួនដើម្បីបុព្វហេតុម្ចាស់របស់យើង។ ជាការពិតណាស់ លោកគឺជាអ្នកដែលមានពលានុពល ជាអ្នកដែលមហាគតិបណ្ឌិត

ហើយ យើងបានប្រទានទៅអ៊ីព្រហ៊ីមនូវអ៊ីស្ហាក និងយ៉ាក់កូប ព្រមទាំងយើងបាន ចាត់នៅក្នុងបច្ឆាញាតិគេនូវតួនាទីណាពីី និងគម្ពីរៗ។ ហើយយើងបានផ្តល់ ទៅគេនូវរង្វាន់របស់គេនៅក្នុងលោកិយ។ ហើយនៅអវសាន គេពិតជាក្នុង ចំណោមពួកកុសល