Surah Al-Ankabut Ayahs #29 Translated in Khmer

ហើយអ៊ីព្រហ៊ីមថា ការពិតដែលពួកអ្នក បានទទួលយកក្រៅពីអល់ឡោះនូវបដិមានោះ គឺគ្រាន់តែជាសម្ព័ន្ធភាពមួយ រវាងពួកអ្នកក្នុងជីវិតលោកិយប៉ុណ្ណោះ។ ក្រោយមក នាថ្ងៃងើបឡើងវិញភាគ ខ្លះនៃពួកអ្នកនឹងបោះបង់ចោលចំពោះភាគខ្លះទៀត ហើយភាគខ្លះនៃពួកអ្នក នឹងប្រទេចផ្តាសាចំពោះភាគខ្លះទៀត ហើយទីជម្រករបស់ពួកអ្នក គឺនរក។ហើយ ពួកអ្នកគ្មានអ្នកជួយដែរ

លូទក៏បានជឿចំពោះអ៊ីព្រហ៊ីម ហើយគេថា យើងពិតជាភៀសខ្លួនដើម្បីបុព្វហេតុម្ចាស់របស់យើង។ ជាការពិតណាស់ លោកគឺជាអ្នកដែលមានពលានុពល ជាអ្នកដែលមហាគតិបណ្ឌិត

ហើយ យើងបានប្រទានទៅអ៊ីព្រហ៊ីមនូវអ៊ីស្ហាក និងយ៉ាក់កូប ព្រមទាំងយើងបាន ចាត់នៅក្នុងបច្ឆាញាតិគេនូវតួនាទីណាពីី និងគម្ពីរៗ។ ហើយយើងបានផ្តល់ ទៅគេនូវរង្វាន់របស់គេនៅក្នុងលោកិយ។ ហើយនៅអវសាន គេពិតជាក្នុង ចំណោមពួកកុសល

ហើយលូទ នៅពេលដែលគេបាននិយាយទៅកាន់ ក្រុមមនុស្សគេថា ពួកអ្នកពិតជាបានប្រព្រឹត្តអំពើអាស្រូវ ដែលមិនធ្លាប់បាន ប្រព្រឹត្តអំពើនេះមុនពួកអ្នកទេ អំពីអ្នកណាម្នាក់នៃលោកទាំងមូល

ការ ពិតតើពួកអ្នកឬ ដែលពិតជារួមភេទបុរសដូចគ្នា ហើយពួកអ្នកបានស្ទាក់ផ្លូវ ព្រមទាំងពួកអ្នកបានប្រព្រឹត្តអំពើមិនគប្បី នៅក្នុងសមោសររបស់ពួកអ្នក?។ ដូចនេះ ចំលើយនៃក្រុមមនុស្សរបស់គេ មិនមានអ្វីក្រៅពីដែលពួកគេបាន និយាយថា ចូរអ្នកនាំមកកាន់ពួកយើង នូវទណ្ឌកម្មរបស់អល់ឡោះ ប្រសិន បើអ្នកមានក្នុងចំណោមពួកអ្នកទៀងត្រង់មែននោះ