Surah Al-Ankabut Ayahs #14 Translated in Khmer

ក្នុងចំណោមមនុស្សមាន អ្នកនិយាយថា យើងបានជឿនឹងអល់ឡោះហើយ លុះកាលណាគេបានធ្វើទុក្ខបុកម្នេញ ដល់គេក្នុងរឿងអល់ឡោះ ជននោះបានចាត់ទុកការសោកសៅអំពីមនុស្ស ដូចជា ទណ្ឌកម្មអំពីអល់ឡោះដែរ។ តែបើជំនួយមួយមកពីម្ចាស់អ្នកបានមកដល់ ពួកគេប្រាកដ ជានឹងនិយាយថា ការពិតពួកយើង គឺជាអ្នករួមជាមួយពួកអ្នកដែរ។ តើអល់ឡោះពុំមែន ដឹងបំផុត នូវអ្វីដែលមាននៅក្នុងទ្រូងទាំងឡាយរបស់លោកទាំងមូលទេឬ?

ហើយ អល់ឡោះប្រាកដជាដឹងចំពោះពួកដែលបានជឿ ហើយដឹងចំពោះពួកពុតត្បុត

ពួក ដែលមិនបានជឿ បាននិយាយទៅកាន់ពួកដែលបានជឿថា ចូរពួកអ្នកធ្វើតាមផ្លូវពួក យើង ហើយពួកយើងនឹងទទួលរ៉ាប់រង នូវរាល់កំហុសឆ្គងរបស់ពួកអ្នក ទាំងពួកគេពុំ មែនជាអ្នកទទួលរ៉ាប់រងលើរាល់កំហុសឆ្គងពួកគេបន្តិចណាឡើយ។ ការពិតពួកគេ គឺ ប្រាកដជាអ្នកដែលភូតកុហក

ហើយពួកគេ ប្រាកដនឹងទទួលរ៉ាប់រងបន្ទុកធ្ងន់ធ្ងររបស់ ពួកគេ ព្រមទាំងបន្ទុកធ្ងន់ធ្ងរទាំងឡាយទៀត រួមជាមួយនឹងបន្ទុកធ្ងន់ធ្ងរទាំងឡាយរបស់ ពួកគេ ហើយនាថ្ងៃងើបឡើងវិញ គេពិតជានឹងជជីកសួរពួកគេ អំពីអ្វីដែលពួកគេធ្លាប់ បានប្រឌិត

ហើយយើងបានចាត់ណូហ៍យ៉ាងប្រាកដ ឱ្យទៅកាន់ក្រុមមនុស្សរបស់ គេ ក្រោយមក ណូហ៍ក៏បានស្ថិតនៅក្នុងចំណោមពួកគេរយៈពេលមួយពាន់ឆ្នាំ ខ្វះតែ ហាសិបឆ្នាំ ក្រោយមកទឹកជំនន់បានចាប់យកពួកគេ ទាំងពួកគេជាពួកដែលបំពាន