Surah Al-Ankabut Ayahs #15 Translated in Khmer

ហើយ អល់ឡោះប្រាកដជាដឹងចំពោះពួកដែលបានជឿ ហើយដឹងចំពោះពួកពុតត្បុត

ពួក ដែលមិនបានជឿ បាននិយាយទៅកាន់ពួកដែលបានជឿថា ចូរពួកអ្នកធ្វើតាមផ្លូវពួក យើង ហើយពួកយើងនឹងទទួលរ៉ាប់រង នូវរាល់កំហុសឆ្គងរបស់ពួកអ្នក ទាំងពួកគេពុំ មែនជាអ្នកទទួលរ៉ាប់រងលើរាល់កំហុសឆ្គងពួកគេបន្តិចណាឡើយ។ ការពិតពួកគេ គឺ ប្រាកដជាអ្នកដែលភូតកុហក

ហើយពួកគេ ប្រាកដនឹងទទួលរ៉ាប់រងបន្ទុកធ្ងន់ធ្ងររបស់ ពួកគេ ព្រមទាំងបន្ទុកធ្ងន់ធ្ងរទាំងឡាយទៀត រួមជាមួយនឹងបន្ទុកធ្ងន់ធ្ងរទាំងឡាយរបស់ ពួកគេ ហើយនាថ្ងៃងើបឡើងវិញ គេពិតជានឹងជជីកសួរពួកគេ អំពីអ្វីដែលពួកគេធ្លាប់ បានប្រឌិត

ហើយយើងបានចាត់ណូហ៍យ៉ាងប្រាកដ ឱ្យទៅកាន់ក្រុមមនុស្សរបស់ គេ ក្រោយមក ណូហ៍ក៏បានស្ថិតនៅក្នុងចំណោមពួកគេរយៈពេលមួយពាន់ឆ្នាំ ខ្វះតែ ហាសិបឆ្នាំ ក្រោយមកទឹកជំនន់បានចាប់យកពួកគេ ទាំងពួកគេជាពួកដែលបំពាន

ក្រោយមក យើងបានសង្គ្រោះណូហ៍ ព្រមទាំងពួកអ្នកនាវា ហើយយើងបានចាត់ទុកនាវា ជាភស្តុតាងមួយសម្រាប់លោកទាំងមូល