Surah Al-Anaam Ayahs #91 Translated in Khmer

និងពីជីដូនជីតា កូនចៅ និងបងប្អូនពួកគេខ្លះ ហើយយើងបានជ្រើសរើស និងធ្វើមគ្គុទ្ទេសន៍ពួកគេទៅកាន់ផ្លូវមួយដ៏ត្រឹមត្រូវ

នោះហើយ ជាការ មគ្គុទ្ទេសន៍អល់ឡោះ លោកធ្វើមគ្គុទ្ទេសន៍តាមផ្លូវនេះ ចំពោះជនណាដែល លោកប្រាថ្នាក្នុងចំណោមអ្នកគោរពលោក។ បើពួកគេបានស៊ីរិក ប្រាកដជា រលាយអស់ហើយពីពួកគេ អ្វីដែលពួកគេធ្លាប់បានប្រព្រឹត្តនោះ

ពួក ទាំងនោះហើយ ដែលយើងបានប្រទានទៅពួកគេនូវគម្ពីរ ការឈ្វេងយល់ និងភាពជាណាពីី។ ហេតុនេះ បើសិនពួកនោះនៅតែមិនព្រមជឿនឹងរឿង នេះ យើងនឹងប្រគល់រឿងនេះទៅកាន់មនុស្សដែលពុំមែនជាពួកអជំនឿនឹង រឿងនេះ

ពួកនោះហើយ ដែលអល់ឡោះបានធ្វើមគ្គុទ្ទេសន៍ ហេតុនេះ ចូរអ្នកដើរតាមមគ្គុទ្ទេសន៍ពួកគេ។ ចូរថាទៅ យើងមិនសុំកម្រៃពីពួកអ្នកលើ ករណីនេះទេ។ វាគឺជាការក្រើនរំលឹកសំរាប់លោកទាំងមូលប៉ុណ្ណោះ

ពួកគេមិនបានផ្តល់កិត្តិយសទៅអល់ឡោះ សមនឹងកិត្តិយសរបស់លោកទេ នៅ ពេលដែលពួកគេថា អល់ឡោះមិនបានបញ្ចុះអ្វីមួយទៅលើមនុស្សណាម្នាក់ ទេ។ ចូរថាទៅ តើអ្នកណាដែលបានបញ្ចុះគម្ពីរ ដែលមូសាបាននាំមក សំរាប់ជា ពន្លឺ និងជាមគ្គុទ្ទេសន៍ជូនមនុស្សដែលពួកអ្នកធ្វើវាឱ្យទៅជាក្រដាស ពួកអ្នក បង្ហាញវា ហើយពួកអ្នកលាក់ច្រើនបំផុត ដែលគេបានបង្រៀនពួកអ្នក នូវអ្វី ដែលពួកអ្នក និងជីដីនូជីតាពួកអ្នកមិនទាន់ដឹង។ ចូរថាទៅ គឺអល់ឡោះ ហើយ ចូរអ្នកទុកឱ្យពួកគេលេងសើចក្នុងការជជែកគ្នា (ខុសឆ្គង)របស់ពួកគេទៅ