Surah Al-Anaam Ayahs #71 Translated in Khmer

រាល់ព័ត៌មាន សុទ្ធតែមានកំណត់ពេលវេលា។ ហើយពួកអ្នកគង់តែនឹងដឹង

កាលណាអ្នក បានឃើញពួកដែលជាប់ជជែកគ្នាចំអកស្តីពីអាយ៉ាត់ៗយើង ចូរអ្នកគេចចេញពីពួក គេ រហូតទាល់តែពួកគេសន្ទនាស្តីពីរឿងផ្សេង។ ប្រសិនបើស្ហៃតនធ្វើឱ្យអ្នកភ្លេច ក៏បន្ទាប់ពីនឹកឃើញ ចូរអ្នកកុំអង្គុយតទៅទៀត ជាមួយក្រុមមនុស្សបំពាន

ទំនួលខុសត្រូវរបស់ពួកគេ ពុំមែនជាភារកិច្ចរបស់ពួកដែលគោរពកោត ខ្លាច សូម្បីបន្តិច ក៏ប៉ុន្តែ(ភារកិច្ច)គឺការក្រើនរំលឹក ដើម្បីពួកគេគោរព កោតខ្លាច

ចូរអ្នកកុំរំខានពួកដែលយកសាសនារបស់ពួកគេធ្វើជា ល្បែង និងការកំសាន្ត ពួកគេត្រូវបានជីវិតលោកិយបញ្ឆោត។ ចូរអ្នក រំលឹកនឹងគួរអាន ដែលម្នាក់ៗត្រូវគេបញ្ជូនទៅកាន់(នរក) ដោយសារ តែខ្លួនបានប្រព្រឹត្ត។ ក្រៅពីអល់ឡោះ ខ្លួនគ្មានអ្នកការពារ ហើយក៏ គ្មានអ្នកជួយអន្តរាគមន៍ដែរ។ បើខ្លួនចង់លោះដោយថ្នូរទាំងអស់ ក៏គេ មិនទទួលយកពីខ្លួនដែរ។ ពួកទាំងនោះហើយ ដែលត្រូវគេបញ្ជូនទៅ កាន់(នរក) ដោយសារតែពួកគេបានប្រព្រឹត្ត។ សំរាប់ពួកគេ គ្រឿង ផឹក គឺជាទឹកពុះ និងទណ្ឌកម្មដ៏ខ្លោចផ្សាបំផុត បណ្តាលមកពីអ្វីដែល ពួកគេធ្លាប់បោះបង់ជំនឿ

ថាទៅ តើយើងត្រូវបួងសួងក្រៅពី អល់ឡោះ អ្វីដែលមិនអាចផ្តល់ប្រយោជន៍ និងឧបសគ្គដល់យើងឬ? ឬយើងត្រូវត្រឡប់ទៅក្រោយវិញ បន្ទាប់ពីអល់ឡោះបានធ្វើមគ្គុទ្ទេសន៍ យើងហើយ? ដូចអ្នកដែលពួកស្ហៃតនបានធ្វើឱ្យវង្វេងវក់វីនៅលើដី ដែលគេមានមិត្តភក្តិជាច្រើន ហៅខ្លួនទៅរកមគ្គុទ្ទេសន៍ថា ចូរមករក យើងមក។ ចូរថាទៅ មានតែមគ្គុទ្ទេសន៍អល់ឡោះទេ ជាមគ្គុទ្ទេសន៍ ពិត។ គេបានតម្រូវឱ្យយើងព្រមធ្វើតាមម្ចាស់ភពទាំងអស់