Surah Al-Anaam Ayahs #138 Translated in Khmer

អ្វីដែលគេសន្យាចំពោះពួកអ្នក (ទណ្ឌកម?) ពិតជានឹងត្រូវមកដល់ ហើយពួក អ្នកពុំមែនជាពួកអាចទប់ទល់បានឡើយ

ចូរអ្នកស្រដីទៅថា ឱក្រុម របស់យើង! ចូរពួកអ្នកប្រព្រឹត្តចុះតាមតួនាទីរបស់ពួកអ្នក រីឯយើងក៏ជាអ្នក ដែលប្រព្រឹត្តដែរ។ រួចមកពួកអ្នកគង់តែនឹងដឹងទេ តើអ្នកណាមួយដែលត្រូវ ទទួលបានជោគវាសនានាបរលោក?។ ពួកមនុស្សដែលបំពារបំពាន ប្រាកដ ជានឹងមិនបានជោគជ័យឡើយ

ពួកគេបានចាត់ទុកកសិផល និងសត្វ ពាហនៈដែលលោកបានបង្កើតមួយចំណែកសម្រាប់អ់ល់ឡោះ រួចមកពួកគេ បាននិយាយថា នេះគឺសម្រាប់អល់ឡោះ តាមការសន្មតរបស់ពួកគេ ហើយ នេះគឺសម្រាប់វត្ថុជាទីសក្ការៈរបស់ពួកយើង។ ក្រោយមក អ្វីដែលត្រូវបាន កំណត់ថាសម្រាប់វត្ថុជាទីសក្ការៈរបស់ពួកគេនោះ នឹងមិនបានត្រូវដល់ទៅ អល់ឡោះទេ ហើយអ្វីដែលត្រូវបានកំណត់ថា សម្រាប់អល់ឡោះនោះ នឹង ត្រូវដល់ទៅវត្ថុជាទីសក្ការៈរបស់ពួកគេ។ អាក្រក់បំផុត អ្វីដែលពួកគេបានកាត់ ក្តីនោះ

ហើយប្រៀបដូចនេះដែរ ដែលសក្ការៈវត្ថុរបស់ពួកគេ បានតាក់ តែងភាគច្រើននៃពួកគោរពវត្ថុនោះ ឱ្យសម្លាប់បុត្ររបស់ពួកគេ ដើម្បីនឹងឱ្យ បង្ហិនបង្ហោចពួកគេ និងក្លែងបន្លំទៅលើពួកគេ ចំពោះសាសនារបស់ពួកគេ។ ប្រសិនបើអល់ឡោះមានបំណងប្រាថ្នា ពួកគេមិនបានធ្វើដូចនោះទេ ហេតុ នេះ ចូរអ្នកទុកចោលពួកគេទៅ ព្រមទាំងអ្វីៗដែលពួកគេបានប្រឌិតនោះ

ហើយបាននិយាយតាមការសន្មតពួកគេទៀតថា នេះគឺជាសត្វពាហនៈ និង កសិផលដែលត្រូវហាមមិនឱ្យបរិភោគវាទេ លើកលែងតែជនដែលយើង ប្រាថ្នា។ និងជាសត្វពាហនៈដែលខ្នងវាត្រូវបានគេហាម (ផ្ទុកពីលើ) ។ ហើយ និងជាសត្វពាហនៈ ដែលពួកគេមិនសូត្រនាមអល់ឡោះទេ នៅពេលសំឡេះ វាសុទ្ធតែជាការប្រឌិតទល់នឹងលោក។ លោកនឹងទូទាត់ទៅពួកគេ នូវអ្វីដែល ពួកគេធ្លាប់ប្រឌិត