Surah Al-Anaam Ayahs #140 Translated in Khmer

ពួកគេបានចាត់ទុកកសិផល និងសត្វ ពាហនៈដែលលោកបានបង្កើតមួយចំណែកសម្រាប់អ់ល់ឡោះ រួចមកពួកគេ បាននិយាយថា នេះគឺសម្រាប់អល់ឡោះ តាមការសន្មតរបស់ពួកគេ ហើយ នេះគឺសម្រាប់វត្ថុជាទីសក្ការៈរបស់ពួកយើង។ ក្រោយមក អ្វីដែលត្រូវបាន កំណត់ថាសម្រាប់វត្ថុជាទីសក្ការៈរបស់ពួកគេនោះ នឹងមិនបានត្រូវដល់ទៅ អល់ឡោះទេ ហើយអ្វីដែលត្រូវបានកំណត់ថា សម្រាប់អល់ឡោះនោះ នឹង ត្រូវដល់ទៅវត្ថុជាទីសក្ការៈរបស់ពួកគេ។ អាក្រក់បំផុត អ្វីដែលពួកគេបានកាត់ ក្តីនោះ

ហើយប្រៀបដូចនេះដែរ ដែលសក្ការៈវត្ថុរបស់ពួកគេ បានតាក់ តែងភាគច្រើននៃពួកគោរពវត្ថុនោះ ឱ្យសម្លាប់បុត្ររបស់ពួកគេ ដើម្បីនឹងឱ្យ បង្ហិនបង្ហោចពួកគេ និងក្លែងបន្លំទៅលើពួកគេ ចំពោះសាសនារបស់ពួកគេ។ ប្រសិនបើអល់ឡោះមានបំណងប្រាថ្នា ពួកគេមិនបានធ្វើដូចនោះទេ ហេតុ នេះ ចូរអ្នកទុកចោលពួកគេទៅ ព្រមទាំងអ្វីៗដែលពួកគេបានប្រឌិតនោះ

ហើយបាននិយាយតាមការសន្មតពួកគេទៀតថា នេះគឺជាសត្វពាហនៈ និង កសិផលដែលត្រូវហាមមិនឱ្យបរិភោគវាទេ លើកលែងតែជនដែលយើង ប្រាថ្នា។ និងជាសត្វពាហនៈដែលខ្នងវាត្រូវបានគេហាម (ផ្ទុកពីលើ) ។ ហើយ និងជាសត្វពាហនៈ ដែលពួកគេមិនសូត្រនាមអល់ឡោះទេ នៅពេលសំឡេះ វាសុទ្ធតែជាការប្រឌិតទល់នឹងលោក។ លោកនឹងទូទាត់ទៅពួកគេ នូវអ្វីដែល ពួកគេធ្លាប់ប្រឌិត

ពួកគេបាននិយាយទៀតថា អ្វីដែលមាននៅក្នុងពោះ របស់សត្វពាហនៈទាំងនោះ សុទ្ធតែសំរាប់ពពួកបុរសនៃពួកយើងសុទ្ធសាធ ហើយត្រូវគេហាមលើស្ត្រីពួកយើង ប៉ុន្តែបើវាកើតមកស្លាប់ គឺទាំងអស់គ្នា អាចស៊ីសត្វនោះបាន លោកនឹងទូទាត់ឱ្យពួកគេ តាមការកំណត់របស់ពួកគេ។ លោកពិតជាអ្នកមហាគតិបណ្ឌិត ដឹងបំផុត

ប្រាកដជាត្រូវបានខាតបង់ បណ្តាអ្នកដែលបានសំលាប់កូនចៅពួកគេទាំងខ្វះសតិសម្បជញ្ញៈ ដោយល្ងង់ ខ្លៅ។ និងបណ្តាអ្នកដែលបានហាមឃាត់ចំណីអាហារដែលអល់ឡោះបានប្រ ទានទៅពួកគេ ដើម្បីការប្រឌិតកុហកមួយទល់នឹងអល់ឡោះ ពួកគេពិតជា បានភ័ន្តវង្វេង ហើយពួកគេពុំមែនជាពួកទទួលបានមគ្គុទ្ទេសន៍ឡើយ