Surah Al-Anaam Ayahs #128 Translated in Khmer

កាលណាមានអាយ៉ាត់ណាមួយបានទៅដល់ពួកគេ ពួកគេនឹងនិយាយថា យើងមិនជឿឡើយ លុះត្រាគេបានផ្តល់មកយើង ដូចដែលគេបានផ្តល់ទៅ រ៉សូលៗអល់ឡោះ។ អល់ឡោះដឹងណាស់ ទីណាដែលលោកត្រូវផ្តល់សារ របស់លោក។ ភាពអាម៉ាស់មុខពីអល់ឡោះ និងទណ្ឌកម្មដ៏ធ្ងន់ធ្ងរនឹងត្រូវ ពួកដែលបានប្រព្រឹត្តឃោរឃៅ មកពីអ្វីដែលពួកគេធ្លាប់ធ្វើល្បិចកល

ជនណាដែលអល់ឡោះមានបំណងមគ្គុទ្ទេស លោកនឹងបើកទ្រូងឱ្យជននោះ សម្រាប់ឥស្លាម។ ហើយជនណាដែលលោកមានបំណងនឹងពង្វេង លោក នឹងធ្វើឱ្យទ្រូងជននោះចង្អៀតថប់ណែន ហាក់បីដូចជាជននោះឡើងទៅលើ មេឃ។ ប្រៀបដូចនេះហើយ អល់ឡោះដាក់ទោសលើពួកដែលមិនជឿ

ហើយនេះ ជាផ្លូវម្ចាស់របស់អ្នកដ៏ត្រឹមត្រូវ។ ការពិតយើងបានបកស្រាយនូវ អាយ៉ាត់ទាំងឡាយសម្រាប់មនុស្ស ដែលទទួលការក្រើនរំលឹក

សម្រាប់ ពួកគេ លំនៅសុខសាន្តនៅឯម្ចាស់របស់ពួកគេ។ ហើយលោកជាអ្នកគាំពារ ពួកគេ ដោយសារតែអ្វីដែលពួកគេធ្លាប់ប្រព្រឹត្ត

នាថ្ងៃដែលលោកនឹង ប្រមូលពួកគេទាំងអស់ ឱពួកជិន! ការពិតពួកអ្នកបានពង្វេងពួកមនុស្សជា ច្រើន។ មិត្តជិតស្និទ្ធពួកជិនក្នុងចំណោមមនុស្សបាននិយាយថា ឱម្ចាស់របស់ ពួកយើង! ពួកយើងខ្លះទទួលបានផលចំណេញដោយសារគ្នាយើង ពួកយើង បានដល់កាលកំណត់ពួកយើង ដែលលោកបានកំណត់ឱ្យយើងហើយ។ លោក ថា នរកជាជម្រករបស់អ្នក ជាអមតៈក្នុងនោះ លើកលែងករណីអល់ឡោះ ប្រាថ្នា។ ការពិតម្ចាស់របស់អ្នក ជាអ្នកគតិបណ្ឌិត ជាដែលអ្នកដឹងបំផុត