Surah Al-Anaam Ayahs #116 Translated in Khmer

ប្រៀបដូចនេះ ហើយ ដែលយើងបានចាត់ឱ្យណាពីនីមួយៗ មានសត្រូវ ជាពួកស្ហៃតន មនុស្ស និងជិន ពួកគេបំផុសគ្នាគេ នូវពាក្យសំដីដ៏ផ្អែមល្ហែម ដើម្បីលួងលោម។ បើម្ចាស់អ្នកមានប្រាថ្នា ពួកគេមិនបានធ្វើដូច្នោះទេ។ ហេតុនេះ ចូរអ្នក បណ្តោយពួកគេ និងអ្វីដែលពួកគេប្រឌិតទៅចុះ

និងដើម្បីឱ្យចិត្តពួក ដែលមិនជឿនឹងបរលោកលំអៀង ហើយពេញចិត្តសំដីលួងលោមនោះ និង ដើម្បីពួកគេប្រព្រឹត្ត នូវអ្វីដែលពួកគេជាអ្នកប្រព្រឹត្ត

តើយើងត្រូវការ រកការវិនិច្ឆ័យក្រៅពីអល់ឡោះឬ? ក្នុងករណីដែលលោកបានបញ្ចុះទៅ ពួកអ្នកនូវគម្ពីរដែលត្រូវបកស្រាយលំអិត។ ហើយពួកដែលយើងបានផ្តល់ គម្ពីរទៅកាន់ពួកគេ ពួកគេដឹងថា គម្ពីរនោះត្រូវបានគេបញ្ចុះមកពីម្ចាស់របស់ អ្នកដោយពិតប្រាកដ។ ហេតុនេះ ចូរអ្នកកុំមានក្នុងចំណោមពួកមន្ទិលសង្ស័យ ឱ្យសោះ

សំដីម្ចាស់អ្នកបានចប់សព្វគ្រប់ ដោយត្រឹមត្រូវ និងយុត្តិធម៌។ គ្មានទេអ្នកដែលធ្វើឱ្យប្រែក្រឡះចំពោះសំដីលោក។ ហើយលោកជាអ្នកដែល ឮ ជាអ្នកដែលដឹងបំផុត

ហើយបើអ្នកគោរពតាមភាគច្រើន នៃអ្នក ដែលមាននៅលើដី ពួកគេនឹងធ្វើឱ្យអ្នកវង្វេងពីផ្លូវរបស់អល់ឡោះ។ ពួកគេ គ្មានអ្វីក្រៅពីធ្វើតាមការស្មាន។ ហើយពួកគេគ្មានអ្វីក្រៅពីភូតកុហក