Surah Al-Anaam Ayahs #114 Translated in Khmer

ហើយយើងនឹង បង្វែរចិត្តរបស់ពួកគេ និងចក្ខុវិញ្ញាណរបស់ពួកគេដូចដែលពួកគេមិនជឿពីគ្រា ដំបូង ហើយយើងទុកឱ្យពួកគេរវើរវាយនៅក្នុងការបំពានរបស់ពួកគេ

ទោះបីយើងបានឱ្យពួកម៉ាឡាអ៊ីកាត់ចុះទៅដល់ពួកគេ និងឱ្យអ្នកស្លាប់ (រស់ ឡើងវិញ) បាននិយាយប្រាប់ពួកគេ ហើយយើងបានប្រមូលគ្រប់វត្ថុដាក់នៅ ពីមុខពួកគេក៏ដោយ ក៏ពួកគេនៅតែមិនព្រមជឿដែរ លើកលែងតែករណី ដែលអល់ឡោះប្រាថ្នា ក៏ប៉ុន្តែភាគច្រើនពួកគេល្ងង់ខ្លៅ

ប្រៀបដូចនេះ ហើយ ដែលយើងបានចាត់ឱ្យណាពីនីមួយៗ មានសត្រូវ ជាពួកស្ហៃតន មនុស្ស និងជិន ពួកគេបំផុសគ្នាគេ នូវពាក្យសំដីដ៏ផ្អែមល្ហែម ដើម្បីលួងលោម។ បើម្ចាស់អ្នកមានប្រាថ្នា ពួកគេមិនបានធ្វើដូច្នោះទេ។ ហេតុនេះ ចូរអ្នក បណ្តោយពួកគេ និងអ្វីដែលពួកគេប្រឌិតទៅចុះ

និងដើម្បីឱ្យចិត្តពួក ដែលមិនជឿនឹងបរលោកលំអៀង ហើយពេញចិត្តសំដីលួងលោមនោះ និង ដើម្បីពួកគេប្រព្រឹត្ត នូវអ្វីដែលពួកគេជាអ្នកប្រព្រឹត្ត

តើយើងត្រូវការ រកការវិនិច្ឆ័យក្រៅពីអល់ឡោះឬ? ក្នុងករណីដែលលោកបានបញ្ចុះទៅ ពួកអ្នកនូវគម្ពីរដែលត្រូវបកស្រាយលំអិត។ ហើយពួកដែលយើងបានផ្តល់ គម្ពីរទៅកាន់ពួកគេ ពួកគេដឹងថា គម្ពីរនោះត្រូវបានគេបញ្ចុះមកពីម្ចាស់របស់ អ្នកដោយពិតប្រាកដ។ ហេតុនេះ ចូរអ្នកកុំមានក្នុងចំណោមពួកមន្ទិលសង្ស័យ ឱ្យសោះ