Surah Al-Ahzab Ayahs #32 Translated in Khmer

ឱណាពី! ចូរអ្នកស្រដីទៅកាន់ភរិយាៗរបស់អ្នកថា បើពួកនាងមានបំណងប្រាថ្នាជីវិត លោកិយ ព្រមទាំងគ្រឿងតាក់តែងរបស់លោកិយ សូមពួកនាងអញ្ជើញមក យើងពិតជា នឹងផ្តល់ការត្រេកត្រអាលទៅពួកនាង ហើយយើងនឹងលែងពួកនាងនូវការលែងមួយ ដ៏ល្អប្រសើរបំផុត

តែបើពួកនាងប្រាថ្នា អល់ឡោះ និងរ៉សូលលោក និងលំនៅដ្ឋាន ថ្ងៃអវសាន អល់ឡោះពិតជាបានត្រៀមសម្រាប់អ្នក ដែលសាងកុសលចំណោមពួកនាង នូវរង្វាន់មួយដ៏ធំធេងបំផុត

ឱភរិយាៗណាពី! ចំណោមពួកនាង ជនណាហើយ ដែលបាននាំមកនូវអំពើអាស្រូវណាមួយដ៏ជាក់ស្តែង គេនឹងផ្ទួនចំពោះនាងនូវទណ្ឌកម្ម ទ្វេដងចំពោះគេ។ ហើយព្រឹត្តិការណ៍ទាំងនេះ គឺជាការងាយបំផុតនៅលើអល់ឡោះ

ហើយចំណោមពួកនាង ជនណាដែលនៅតែមានភក្តីភាពចំពោះអល់ឡោះ និង រ៉សូលលោក ហើយនាងនៅតែសាងកុសល យើងប្រាកដជានឹងផ្តល់ជូនទៅនាង នូវរង្វាន់របស់នាងជាទ្វេដង ហើយយើងបានរៀបចំសម្រាប់នាង នូវចំណីដ៏ថ្លៃថ្នូរ

ឱភរិយាៗរបស់ណាពី ពួកនាងមិនមែនដូចជាបុគ្គលណាម្នាក់នៃនារីៗទេ។ ប្រសិនបើពួកនាងបានគោរពកោតខ្លាចមែន ចូរពួកនាងកុំប្រើសំដីផ្អែមល្ហែម (ទៅ កាន់បុរសផ្សេង) ដើម្បីកុំឱ្យអ្នកដែលក្នុងចិត្តរបស់គេមានជំងឺ នឹងប្រាថ្នាចង់បាន ហើយចូរនាងពោលនូវសំដីណាមួយដ៏សមរម្យ