Surah Al-Ahzab Ayahs #28 Translated in Khmer

ដើម្បីអល់ឡោះនឹងជូនរង្វាន់ទៅពួកដែលសច្ចៈ តាមការ សច្ចៈរបស់ពួកគេ ហើយបើសិនលោកមានប្រាថ្នា លោកនឹងធ្វើទណ្ឌកម្មពួកពុតត្បុត ឬ លោកនឹងទទួលវិប្បដិសារីអំពីពួកគេ។ ការពិតអល់ឡោះជាអ្នកអភ័យទោសឱ្យ អាណិត អាសូរបំផុត

ហើយអល់ឡោះបានរុញច្រានទៅកាន់ពួកដែលមិនជឿវិញ នូវកំហឹង ច្រឡោតរបស់ពួកគេ ពួកគេនឹងគ្មានកុសលណាមួយទេ។ ហើយអល់ឡោះបានរក្សា ដល់ពួកអ្នកដែលមានជំនឿ នូវការប្រយុទ្ធ អល់ឡោះជាអ្នកមានប្រពលភាព ថែមទាំង មានពលានុភាព

ហើយលោកបានដាក់ចុះចំណោមក្រុមអះលីគីតាប ដែលបានធ្វើ ជាខ្នងបង្អែកឱ្យពួកសហពលករពីបន្ទាយៗរបស់ពួកគេ ហើយលោកក៏បានគប់ការភ័យ រន្ធត់ទៅក្នុងចិត្តពួកគេ មួយចំណែកនៃពួកគេត្រូវពួកអ្នកសម្លាប់ ហើយមួយចំណែក ទៀតពួកអ្នកចាប់ជាឈ្លើយសឹក

ហើយលោកបានទុកមរតកទៅពួកអ្នក នូវទឹកដី របស់ពួកគេ លំនៅដ្ឋានពួកគេ ទ្រព្យសម្បត្តិពួកគេ និងទឹកដីមួយដែលពួកអ្នកមិនទាន់ បានជាន់ទឹកដីនោះ។ ហើយអល់ឡោះជាអ្នកដែលមានអានុភាពនៅលើសព្វសារពើ

ឱណាពី! ចូរអ្នកស្រដីទៅកាន់ភរិយាៗរបស់អ្នកថា បើពួកនាងមានបំណងប្រាថ្នាជីវិត លោកិយ ព្រមទាំងគ្រឿងតាក់តែងរបស់លោកិយ សូមពួកនាងអញ្ជើញមក យើងពិតជា នឹងផ្តល់ការត្រេកត្រអាលទៅពួកនាង ហើយយើងនឹងលែងពួកនាងនូវការលែងមួយ ដ៏ល្អប្រសើរបំផុត