Surah Al-Ahqaf Ayahs #26 Translated in Khmer

ពួកគេថា តើអ្នកបានមកកាន់ពួកយើងនេះ ដើម្បីអ្នក នឹងបំប្លែងពួកយើងពីម្ចាស់របស់ពួកយើងឬ? ដូចនេះ សូមអ្នកនាំមកកាន់យើង នូវអ្វីដែលអ្នក សន្យាចំពោះយើង ប្រសិនបើអ្នកស្ថិតក្នុងចំណោមពួកអ្នកទៀងត្រង់មែន

គេបានថា ការ ចេះដឹង គឺនៅលើអល់ឡោះប៉ុណ្ណោះ ហើយយើងផ្តល់ទៅកាន់ពួកអ្នក នូវអ្វីដែលគេបានចាត់ បញ្ជូនយើងឱ្យនាំវាមក ក៏ប៉ុន្តែយើងឃើញពួកអ្នកជាក្រុមមនុស្សមួយដែលល្ងង់ខ្លៅ

លុះ នៅពេលដែលពួកគេបានឃើញវាដូចជាពពកមួយ ដែលតំរង់ទៅជ្រលងភ្នំរបស់ពួកគេ ពួកគេ ថា នេះគឺជាពពកមួយដែលនាំភ្លៀងមកឱ្យពួកយើង។ ពុំមែនទេ ការពិត វាជាអ្វីដែលពួកអ្នក បានទទួលសុំឱ្យវាឆាប់មកដល់ គឺជាវាយោមួយដែលក្នុងវា គឺទណ្ឌកម្មមួយដ៏ខ្លោចផ្សាបំផុត

វានឹងបំផ្លាញនូវរាល់វត្ថុទាំងអស់ ដោយកិច្ចបញ្ជារបស់ម្ចាស់វា រួចមកពួកគេមិនត្រូវគេ មើល ឃើញក្រៅពីលំនៅឋានៗពួកគេឡើយ។ ប្រៀបដូចទាំងនេះហើយ ដែលយើងនឹងទូទាត់ ក្រុមមនុស្សឧក្រិដ្ឋ

ហើយជាការពិតណាស់ យើងបានផ្តល់សម្បទារបស់ពួកគេ នៅក្នុងអ្វី ដែល យើងឥតបានផ្តល់សម្បទាទៅពួកអ្នកទេ ហើយបានចាត់ឱ្យពួកគេមានសោតវិញ្ញាណ និងចក្ខុវិញ្ញាណព្រមទាំងទឹកចិត្ត រួចមក សោតវិញ្ញាណរបស់ពួកគេ ចក្ខុវិញ្ញាណរបស់ពួកគេ និងទឹកចិត្តរបស់ពួកគេ ឥតបានផ្តល់គុណប្រយោជន៍ចំពោះពួកគេបន្តិចសោះឡើយ ពីព្រោះ ពួកគេធ្លាប់តែជំទាស់នឹងអាយ៉ាត់ៗរបស់អល់ឡោះ ហើយបានគ្របដណ្តប់ពួកគេ ដោយអ្វី ដែលពួកគេធ្លាប់តែចំអកឡកឡាយវានោះ