Surah Aal-E-Imran Ayahs #45 Translated in Khmer

គេថា សូមលោកធ្វើសញ្ញាមួយឱ្យខ្ញុំផង។ លោកថា សញ្ញារបស់អ្នកគឺអ្នកមិនអាចនិយាយរកមនុស្សបីថ្ងៃមានតែកាយវិការប៉ុណ្ណោះ។ ហើយចូរអ្នករលឹកម្ចាស់របស់អ្នកឱ្យបានច្រើន ចូរអ្នកសូត្រធម៌លើកតំកើងកិត្តិគុណពេលព្រលប់និងពេលព្រលឹម

ចូរ(រំលឹក)នៅពេលដែលម៉ាឡាអ៊ីកាត់ថាឱ ម៉ារីយ៉ាំ! ពិតប្រាកដអល់ឡោះបានជ្រើសរើសនាងបានសំអាតនាង និងបានជ្រើសរើសនាងប្រសើរលើនារីក្នុងលោកទាំងមូល

នែម៉ារីយ៉ាំ! ចូរនាងស្តាប់ឱវាទម្ចាស់របស់នាង ចូរស៊ូជូទនិងរូកុជាមួយនឹងពួកដែលបានរូកុ

ទាំងនេះគឺជា ព្រឹត្តិការណ៍អាថ៌កំបាំងដែលយើងបរិយាយទៅកាន់អ្នក។ អ្នកមិនបាននៅក្បែរពួកគេទេពេលដែលពួកគេទំលាក់ស្លាបប៉ាការបស់ពួកគេ តើអ្នកណាត្រូវថែរក្សាម៉ារីយ៉ាំ។ ហើយអ្នកក៏មិននៅក្បែរពួកគេដែរ ពេលដែលពួកគេឈ្លោះប្រកែកគ្នានោះ

ចូរ(រំលឹក) នៅពេលដែលម៉ាឡាអ៊ីកាត់ថានែម៉ារីយ៉ាំ! ប្រាកដណាស់អល់ឡោះនឹងធ្វើឱ្យនាងរីករាយដោយសំដីមួយម៉ាត់ពីលោក ឈ្មោះវាម៉ាសៀហ គឺអ៊ីសាបុត្រារបស់ម៉ារីយុំ ជាអ្នកដែលមានមុខមាត់ក្នុង លោកបច្ចុប្បន្ន និងលោកខាងមុខនិងក្នុងចំណោមពួកអ្នកដែលជិតស្និទ្ធ