Surah Aal-E-Imran Ayahs #24 Translated in Khmer

ហើយប្រសិនបើពួកគេដេញដោលនឹងអ្នក អ្នកត្រូវនិយាយថាយើងនិងអ្នកដែលតាមយើងបានប្រគល់ខ្លួនទៅឱ្យអល់ឡោះហើយ។ ហើយចូរអ្នកត្រូវនិយាយទៅកាន់ពួកដែលគេបានប្រទានគម្ពីរ និងពួកល្ងង់ខ្លៅថា តើពួកអ្នកបានចុះចូលហើយឬ។ ប្រសិនបើពួកគេបានចុះចូលហើយនោះពួកគេប្រាកដជានឹងទទួលបានមគ្គុទ្ទេសន៍។ ហើយប្រសិនបើពួកគេបែរខ្នងវិញភារកិច្ចអ្នកត្រឹម តែផ្តល់សារប៉ុណ្ណោះ។ ហើយអល់ឡោះជាអ្នកដែលឃើញបំផុតចំពោះពួកដែលគោរព

ការពិតពួកដែលមិនជឿនឹងរាល់អាយ៉ាត់អល់ឡោះ ហើយពួកគេកាប់សម្លាប់ណាពីទាំងឡាយដោយឥតត្រឹមត្រូវ និងបានកាប់សម្លាប់មនុស្សដែលដាក់ឱវាទមនុស្សឱ្យប្រកាន់យុត្តិធម៌ ចូរអ្នកផ្តល់ដំណឹងរីករាយទៅចំពោះពួកគេស្តីពីទោសទណ្ឌយ៉ាងខ្លោចផ្សាបំផុត

ពួកទាំងនោះហើយដែលអំពើទាំងឡាយរបស់ពួកគេបានរលាយសាបសូន្យអស់នៅក្នុងលោកិយ​​ និងលោកខាងមុខ។ហើយពួកគេគ្មានអ្នកណាជួយដែរ

តើអ្នកមិនឃើញទេឬ? ចំពោះពួកដែលគេបានប្រទានមួយចំណែកនៃគម្ពីរ គេហៅពួកគេទៅកាន់គម្ពីរអល់ឡោះដើម្បីសម្រេចក្តីរវាងពួកគេ ក្រោយមកមួយក្រុមនៃពួកគេបែរខ្នងទាំងពួកគេជាពួកគេចវេះ

ទាំងនោះ ដោយសារពួកគេថានរកនឹងមិនប៉ះពាល់យើងទេ មានតែប៉ុន្មានថ្ងៃដែលគេកំណត់ប៉ុណ្ណោះ។ អ្វីីដែលពួកគេធ្លាប់ភូតកុហកនោះបានបោកបញ្ឆោត ពួកគេក្នុងសាសនាពួកគេ