Surah Aal-E-Imran Ayahs #185 Translated in Khmer

ជាការពិតណាស់ អល់ឡោះបានឮនូវពាក្យសំដីរបស់ពួកដែលបាននិយាយថា ការពិតអល់ឡោះជាអ្នកដែលក្រីក្រ ពួកយើងគឺជាអ្នកមាន។ យើងនឹងកត់ត្រា ទុកនូវអ្វីដែលពួកគេបាននិយាយ និងការកាប់សម្លាប់របស់ពួកគេចំពោះ បណ្តាណាពីដោយឥតត្រឹមត្រូវ។ ហើយយើងថា ចូរពួកអ្នកទទួលរសជាតិ ទណ្ឌកម្មនៃភ្លើងឆេះគគុក

រឿងនេះ ដោយសារតែស្នាដៃរបស់ពួកគេ បានប្រព្រឹត្ត។ ហើយពិតប្រាកដណាស់ អល់ឡោះពុំមែនជាអ្នកដែលធ្វើបាប ចំពោះមនុស្សឡើយ

ពួកដែលនិយាយថា ការពិតអល់ឡោះ លោក បានសន្យាចំពោះយើងថា កុំឱ្យពួកយើងជឿចំពោះរ៉សូលណាម្នាក់ លុះត្រា តែគេនាំមកដល់យើងនូវពិធីបូជាយញ្ញមួយដែលភ្លើងឆេះ។ ចូរថាទៅ ការពិត កាលពីសម័យមុនយើង រ៉សូលទាំងឡាយក៏បាននាំមកដល់ពួកអ្នកនូវភស្តុ តាងជាច្រើន និងរឿងដែលពួកអ្នកបាននិយាយនេះ។ ចុះហេតុុម្តេចពួកអ្នក ធ្វើឃាតពួកគេ ប្រសិនបើពួកអ្នកជាអ្នកនិយាយពិតមែននោះ?

ដូចនេះ ប្រសិនបើពួកគេបដិសេធចំពោះអ្នក គឺកាលពីសម័យមុនអ្នក ក៏មានគេបាន បដិសេធចំពោះបណ្តារ៉សូលផងដែរ ពួកគេបាននាំមកនូវភស្តុតាងជាច្រើន ហ្សាពួរ៍ និងគម្ពីរដ៏ជាក់ច្បាស់

គ្រប់ជីវិតរមែងទទួលរសជាតិស្លាប់។ ហើយនៅថ្ងៃវិនិច្ឆ័យ គេនឹងបំពេញជូននូវរង្វាន់របស់ពួកអ្នក ជនណាហើយ ដែលត្រូវបានគេបញ្ចៀសពីនរក ហើយត្រូវគេបញ្ចូលទៅក្នុងឋានសួគ៌នោះ ជននោះប្រាកដជាទទួលបានជោគជ័យ។ ហើយជីវិតលោកិយ គ្មានអ្វីក្រៅពី ភាពត្រេកត្រអាលនៃការបោកបញ្ឆោតឡើយ