Surah Aal-E-Imran Ayahs #188 Translated in Khmer

ដូចនេះ ប្រសិនបើពួកគេបដិសេធចំពោះអ្នក គឺកាលពីសម័យមុនអ្នក ក៏មានគេបាន បដិសេធចំពោះបណ្តារ៉សូលផងដែរ ពួកគេបាននាំមកនូវភស្តុតាងជាច្រើន ហ្សាពួរ៍ និងគម្ពីរដ៏ជាក់ច្បាស់

គ្រប់ជីវិតរមែងទទួលរសជាតិស្លាប់។ ហើយនៅថ្ងៃវិនិច្ឆ័យ គេនឹងបំពេញជូននូវរង្វាន់របស់ពួកអ្នក ជនណាហើយ ដែលត្រូវបានគេបញ្ចៀសពីនរក ហើយត្រូវគេបញ្ចូលទៅក្នុងឋានសួគ៌នោះ ជននោះប្រាកដជាទទួលបានជោគជ័យ។ ហើយជីវិតលោកិយ គ្មានអ្វីក្រៅពី ភាពត្រេកត្រអាលនៃការបោកបញ្ឆោតឡើយ

ពួកអ្នកនឹងត្រូវគេសាក ល្បងនៅក្នុងទ្រព្យសម្បត្តិរបស់ពួកអ្នក និងខ្លួនប្រាណរបស់ពួកអ្នក ហើយ ពួកអ្នកឮច្បាស់ពីការធ្វើទុក្ខបុកម្នេញជាច្រើន អំពីពួកដែលគេបានប្រទាន គម្ពីរកាលពីសម័យមុនពួកអ្នក និងអំពីពួកដែលបានធ្វើស៊ីរិក។ ប្រសិនបើពួក អ្នកអត់ធ្មត់ និងគោរពកោតខ្លាច។ រឿងនេះ ពិតជាកិច្ចការមួយដ៏សំខាន់

ហើយនៅពេលអល់ឡោះចាប់យកកិច្ចសន្យារបស់ពួកដែលត្រូវគេផ្តល់គម្ពីរ ដើម្បី ឱ្យពួកអ្នកបំភ្លឺរឿងហេតុឱ្យមនុស្សដឹង ហើយចូរពួកអ្នកកុំលាក់រឿងនោះឱ្យសោះ។ ក្រោយមក ពួកគេក៏បានបោះបង់រឿងនោះពីខាងក្រោយខ្នងរបស់ពួកគេ ហើយពួកគេ ទិញវាដោយតំលៃដ៏តិចតួចបំផុត។ អាក្រក់បំផុតអ្វីដែលពួកគេទិញនោះ

ចូរអ្នកកុំ នឹកស្មានឱ្យសោះថា ពួកដែលសប្បាយនឹងអ្វីដែលពួកគេបានផ្តល់ ហើយពួកគេចូល ចិត្តឱ្យគេសរសើរពួកគេនូវអ្វីដែលពួកគេមិនបានធ្វើនោះ ចូរអ្នកកុំនឹកស្មានឱ្យសោះ ថា ពួកគេត្រូវបានចៀសផុតពីទណ្ឌកម្ម។ ពួកគេត្រូវទណ្ឌកម្មយ៉ាងខ្លោចផ្សាបំផុត