Surah Aal-E-Imran Ayahs #166 Translated in Khmer

តើជនដែលប្រតិបត្តិតាមការពេញចិត្តអល់ឡោះ ដូចជនដែលបាននាំមកនូវកំហឹងពីអល់ឡោះដែរឬទេ? ហើយជំរកសម្រាប់គេ គឺនរក ហើយវាជាកន្លែងវិលត្រឡប់ដ៏អាក្រក់បំផុត

សម្រាប់ពួកគេមានឋានៈសក្តិនៅឯ អល់ឡោះ។ ហើយអល់ឡោះជាអ្នកដែលឃើញបំផុត ពីអ្វីដែលពួកគេប្រព្រឹត្ត

ជាការពិតណាស់ អល់ឡោះបានប្រទានទៅលើពួកមានជំនឿ នៅពេលដែលលោក បានតែងតាំងឱ្យពួកគេ នូវរ៉សូលម្នាក់ក្នុងចំណោមពួកគេផ្ទាល់ ដែលគេនឹងអានទៅ លើពួកគេនូវអាយ៉ាត់ៗលោក និងជម្រះសម្អាតពួកគេ និងបង្រៀនពួកគេនូវគម្ពីរ និងគតិបណ្ឌិត ទោះបីពួកគេកាលពីមុននេះ ឋិតក្នុងការវង្វេងមួយដ៏ច្បាស់លាស់ក្តី

ហើយនៅពេលដែលពួកអ្នកទទួលរងគ្រោះ ពួកអ្នកពិតជាបានធ្វើឱ្យ(ពួកគេ) ទទួលរងគ្រោះដូចគ្នាទ្វេដង ពួកអ្នកបែរជានិយាយថា “តើនេះមកពីណា?”។ ថាទៅ វាមកពីខ្លួនពួកអ្នកផ្ទាល់។ អល់ឡោះពិតជាអ្នកមានអានុភាពលើអ្វីៗទាំងអស់

ហើយអ្វីក៏ដោយដែលពួកអ្នកបានទទួលរងគ្រោះ នាថ្ងៃកងទ័ពទាំងពីរបានប្រយុទ្ធគ្នា នោះ គឺដោយការអនុញ្ញាតពីអល់ឡោះ ដើម្បីលោកនឹងដឹងពីពួកដែលមានជំនឿ