Surah Yusuf Ayahs #96 Translated in Khmer

យូសុហ្វនិយាយថា គ្មានការជេរស្តីតិះដៀលលើពួក អ្នកទៀតទេ នាថ្ងៃនេះ អល់ឡោះនឹងអភ័យទោសឱ្យពួកអ្នក។ ហើយលោកជាអ្នក ដែលអាណិតអាសូរជាងពួកដែលអាណិតអាសូរទាំងឡាយ

ចូរពួកអ្នកនាំយក អាវរបស់យើងនេះទៅ រួចចូរពួកអ្នកដាក់អាវទៅលើមុខបិតារបស់យើង គាត់ច្បាស់ ជានឹងក្លាយជាអ្នកដែលមើលឃើញរួចហើយ ចូរពួកអ្នកនាំមកយើងនូវគ្រួសាររបស់ ពួកអ្នកទាំងអស់គ្នា

ហើយនៅពេលដែលពួកអ្នកទូរចរ បានឃ្លាតចាកទៅបិតា ពួកគេថា ការពិតយើងប្រទះក្លិនយូសុហ្វយ៉ាងប្រាកដ ប្រសិនបើពួកអ្នកមិននិយាយ ថា យើងនិយាយរវើរវាយទេនោះ

ពួកគេនិយាយថា សច្ចានឹងអល់ឡោះ ជាការ ពិតណាស់ អ្នកស្ថិតក្នុងការភាន់វង្វេងរបស់អ្នក ដែលមានពីមុនមកយ៉ាងប្រាកដ

លុះនៅពេលដែលអ្នកនាំដំណឹងរីករាយបានមកដល់ ហើយបានដាក់អាវនោះទៅលើមុខ របស់គាត់ ស្រាប់តែគាត់បានត្រលប់ទៅជាអ្នកមើលឃើញវិញ។ គាត់ថា តើយើងមិនទាន់ និយាយទៅកាន់ពួកអ្នកទាំងអស់គ្នាទេឬថា ជាការពិតណាស់ យើងដឹងពីអល់ឡោះនូវអ្វី ដែលពួកអ្នកមិនដឹង?