Surah Yusuf Ayahs #94 Translated in Khmer

ពួកគេនិយាយថា ការពិតតើអ្នកឬជាយូសុហ្វនោះ? គាត់ថា យើងជាយូសុហ្វ ហើយនេះជាប្អូនប្រុស របស់យើង អល់ឡោះបានផ្តល់ការុណភាពមកលើពួកយើងយ៉ាងប្រាកដ។ជាការពិត ណាស់ ជនណាហើយដែលកោតខ្លាច និងស៊ូទ្រាំ គឺអល់ឡោះពិតជានឹងមិនធ្វេស ប្រហែសឡើយ នូវរង្វាន់របស់ពួកអ្នកដែលសាងកុសល

ពួកគេនិយាយថា សច្ចា នឹងអល់ឡោះ! អល់ឡោះពិតជាបានស្រឡាញ់អ្នកជាងពួកយើង ហើយពួកយើង ពិត ជាពួកអ្នកមានកំហុសមែន

យូសុហ្វនិយាយថា គ្មានការជេរស្តីតិះដៀលលើពួក អ្នកទៀតទេ នាថ្ងៃនេះ អល់ឡោះនឹងអភ័យទោសឱ្យពួកអ្នក។ ហើយលោកជាអ្នក ដែលអាណិតអាសូរជាងពួកដែលអាណិតអាសូរទាំងឡាយ

ចូរពួកអ្នកនាំយក អាវរបស់យើងនេះទៅ រួចចូរពួកអ្នកដាក់អាវទៅលើមុខបិតារបស់យើង គាត់ច្បាស់ ជានឹងក្លាយជាអ្នកដែលមើលឃើញរួចហើយ ចូរពួកអ្នកនាំមកយើងនូវគ្រួសាររបស់ ពួកអ្នកទាំងអស់គ្នា

ហើយនៅពេលដែលពួកអ្នកទូរចរ បានឃ្លាតចាកទៅបិតា ពួកគេថា ការពិតយើងប្រទះក្លិនយូសុហ្វយ៉ាងប្រាកដ ប្រសិនបើពួកអ្នកមិននិយាយ ថា យើងនិយាយរវើរវាយទេនោះ