Surah Yusuf Ayahs #93 Translated in Khmer

គាត់និយាយថា តើពួកអ្នកមានបានដឹងទេ? នូវអ្វីដែលពួកអ្នកបានប្រព្រឹត្តចំពោះ យូសុហ្វ និងប្អូនប្រុសរបស់គេ នៅខណៈដែលពួកអ្នកឆោតល្ងង់

ពួកគេនិយាយថា ការពិតតើអ្នកឬជាយូសុហ្វនោះ? គាត់ថា យើងជាយូសុហ្វ ហើយនេះជាប្អូនប្រុស របស់យើង អល់ឡោះបានផ្តល់ការុណភាពមកលើពួកយើងយ៉ាងប្រាកដ។ជាការពិត ណាស់ ជនណាហើយដែលកោតខ្លាច និងស៊ូទ្រាំ គឺអល់ឡោះពិតជានឹងមិនធ្វេស ប្រហែសឡើយ នូវរង្វាន់របស់ពួកអ្នកដែលសាងកុសល

ពួកគេនិយាយថា សច្ចា នឹងអល់ឡោះ! អល់ឡោះពិតជាបានស្រឡាញ់អ្នកជាងពួកយើង ហើយពួកយើង ពិត ជាពួកអ្នកមានកំហុសមែន

យូសុហ្វនិយាយថា គ្មានការជេរស្តីតិះដៀលលើពួក អ្នកទៀតទេ នាថ្ងៃនេះ អល់ឡោះនឹងអភ័យទោសឱ្យពួកអ្នក។ ហើយលោកជាអ្នក ដែលអាណិតអាសូរជាងពួកដែលអាណិតអាសូរទាំងឡាយ

ចូរពួកអ្នកនាំយក អាវរបស់យើងនេះទៅ រួចចូរពួកអ្នកដាក់អាវទៅលើមុខបិតារបស់យើង គាត់ច្បាស់ ជានឹងក្លាយជាអ្នកដែលមើលឃើញរួចហើយ ចូរពួកអ្នកនាំមកយើងនូវគ្រួសាររបស់ ពួកអ្នកទាំងអស់គ្នា