Surah Yusuf Ayahs #91 Translated in Khmer

បុត្រាៗរបស់យើង! ចូរពួកអ្នកធ្វើដំណើរទៅ ហើយចូរពួកអ្នកស៊ើបសួរពីយូសុហ្វ និង ប្អូនប្រុសរបស់គេ ហើយចូរពួកអ្នកកុំអស់សង្ឃឹមពីសេចក្តីករុណាមកពីអល់ឡោះ។ ការពិតនឹងមិនអស់សង្ឃឹមពីសេចក្តីករុណាមកពីអល់ឡោះទេ ក្រៅពីក្រុមមនុស្សដែល អជំនឿ

លុះនៅពេលដែលពួកគេបានចូលទៅកាន់យូសុហ្វ ពួកគេថា ឱលោកម្ចាស់! ក្តីអភ័ព្វបានប៉ះពាល់ដល់យើង និងគ្រួសាររបស់ពួកយើង ហើយពួកយើងបាននាំមក នូវទំនិញមួយ ដែលគ្មានតំលៃ ដូច្នេះ សូមលោកបំពេញរង្វាល់ឱ្យពួកយើង និងដាក់ ទានឱ្យពួកយើងផង។ ជាការពិតណាស់ អល់ឡោះនឹងទូទាត់ដល់ពួកដែលដាក់ទាន

គាត់និយាយថា តើពួកអ្នកមានបានដឹងទេ? នូវអ្វីដែលពួកអ្នកបានប្រព្រឹត្តចំពោះ យូសុហ្វ និងប្អូនប្រុសរបស់គេ នៅខណៈដែលពួកអ្នកឆោតល្ងង់

ពួកគេនិយាយថា ការពិតតើអ្នកឬជាយូសុហ្វនោះ? គាត់ថា យើងជាយូសុហ្វ ហើយនេះជាប្អូនប្រុស របស់យើង អល់ឡោះបានផ្តល់ការុណភាពមកលើពួកយើងយ៉ាងប្រាកដ។ជាការពិត ណាស់ ជនណាហើយដែលកោតខ្លាច និងស៊ូទ្រាំ គឺអល់ឡោះពិតជានឹងមិនធ្វេស ប្រហែសឡើយ នូវរង្វាន់របស់ពួកអ្នកដែលសាងកុសល

ពួកគេនិយាយថា សច្ចា នឹងអល់ឡោះ! អល់ឡោះពិតជាបានស្រឡាញ់អ្នកជាងពួកយើង ហើយពួកយើង ពិត ជាពួកអ្នកមានកំហុសមែន