Surah Yusuf Ayahs #46 Translated in Khmer

ហើយគាត់បាន និយាយទៅកាន់អ្នកដែលគាត់បានគិតថា ជាអ្នករួចពីគុកចំណោមគេទាំងពីរនាក់ នោះ ចូរអ្នករំលឹកពីយើងនៅក្បែរចៅហ្វាយរបស់អ្នក។ រួចមក ស្ហៃតនបានធ្វើ ឱ្យជននោះ ភ្លេចភ្លាំងដល់ការរំលឹកទៅចៅហ្វាយរបស់គេ។ រួចមក យូសុហ្វក៏ បានស្នាក់នៅពន្ធនាគារជាច្រើនឆ្នាំទៀត

រួចព្រះរាជាថា ការពិតយើងសុបិន ឃើញប្រាំពីរមេគោធាត់ៗកំពុងស៊ីពួកមេគោនោះ ដោយប្រាំពីរមេគោស្គមៗខ្លាំង ហើយប្រាំពីរកួរដែលខៀវ និងផ្សេងទៀតក្រៀមក្រោះ។ នែ៎! អ្នកមុខអ្នកការ ទាំងឡាយ ចូរពួកអ្នកឆ្លើយបញ្ជាក់មកយើង នៅក្នុងការសុបិននិមិត្ររបស់ យើងនេះ ប្រសិនបើពួកអ្នកទស្សន៍ទាយបានចំពោះឧគ្គហនិមិត្រ(សុបិន)នេះ

ពួកគេថា នេះគឺជាសុបិនដ៏ច្របូកច្របល់គ្នា។ ហើយយើងពុំមែនជាពួកអ្នកដឹងនូវការកាត់ សុបិនទាំងឡាយទេ

ហើយអ្នកដែលបានរួចផុតពីពន្ធនាគារក្នុងចំណោមគេទាំងពីរនាក់ ហើយទើបនឹងនឹកឃើញបន្ទាប់ពីមួយរយៈកាលបានថា ខ្ញុំនឹងជំរាបជូនពួកអ្នកនឹងការកាត់ សុបិននេះ ហេតុនេះ ចូរពួកអ្នកចាត់បញ្ជូនខ្ញុំទៅ

ឱយូសុហ្វ! ឱអ្នកដែលនិយាយត្រង់ សូមអ្នកឆ្លើយមកយើងផង ក្នុងរឿងប្រាំពីរមេគោធាត់ៗ ដែលកំពុងស៊ីពួកវាដោយប្រាំពីរ មេគោស្គមៗខ្លាំង ហើយប្រាំពីរកួរដែលខៀវ ហើយផ្សេងទៀតក្រៀមក្រោះ សង្ឃឹមថា យើង នឹងត្រលប់ទៅកាន់មនុស្សទាំងឡាយវិញ សង្ឃឹមថា ពួកគេនឹងបានដឹង