Surah Yusuf Ayahs #45 Translated in Khmer

នែ៎! មិត្តរបស់យើងទាំងពីរក្នុងពន្ធនាគារ រីឯម្នាក់នៃអ្នក ទាំងពីរ គេនឹងបំផឹកទៅចៅហ្វាយរបស់គេនូវសុរា។ រីឯម្នាក់ទៀតនឹងត្រូវគេ ឆ្កាង រួចមក បក្សីនឹងចឹកភាគខ្លះនៃក្បាលរបស់ពួកគេ ត្រូវបានសំរេចហើយ ការងារដែលអ្នកទាំងពីរស្នើសុំឱ្យយើងធ្វើបញ្ជាក់នោះ

ហើយគាត់បាន និយាយទៅកាន់អ្នកដែលគាត់បានគិតថា ជាអ្នករួចពីគុកចំណោមគេទាំងពីរនាក់ នោះ ចូរអ្នករំលឹកពីយើងនៅក្បែរចៅហ្វាយរបស់អ្នក។ រួចមក ស្ហៃតនបានធ្វើ ឱ្យជននោះ ភ្លេចភ្លាំងដល់ការរំលឹកទៅចៅហ្វាយរបស់គេ។ រួចមក យូសុហ្វក៏ បានស្នាក់នៅពន្ធនាគារជាច្រើនឆ្នាំទៀត

រួចព្រះរាជាថា ការពិតយើងសុបិន ឃើញប្រាំពីរមេគោធាត់ៗកំពុងស៊ីពួកមេគោនោះ ដោយប្រាំពីរមេគោស្គមៗខ្លាំង ហើយប្រាំពីរកួរដែលខៀវ និងផ្សេងទៀតក្រៀមក្រោះ។ នែ៎! អ្នកមុខអ្នកការ ទាំងឡាយ ចូរពួកអ្នកឆ្លើយបញ្ជាក់មកយើង នៅក្នុងការសុបិននិមិត្ររបស់ យើងនេះ ប្រសិនបើពួកអ្នកទស្សន៍ទាយបានចំពោះឧគ្គហនិមិត្រ(សុបិន)នេះ

ពួកគេថា នេះគឺជាសុបិនដ៏ច្របូកច្របល់គ្នា។ ហើយយើងពុំមែនជាពួកអ្នកដឹងនូវការកាត់ សុបិនទាំងឡាយទេ

ហើយអ្នកដែលបានរួចផុតពីពន្ធនាគារក្នុងចំណោមគេទាំងពីរនាក់ ហើយទើបនឹងនឹកឃើញបន្ទាប់ពីមួយរយៈកាលបានថា ខ្ញុំនឹងជំរាបជូនពួកអ្នកនឹងការកាត់ សុបិននេះ ហេតុនេះ ចូរពួកអ្នកចាត់បញ្ជូនខ្ញុំទៅ