Surah Yusuf Ayahs #35 Translated in Khmer

លុះនៅពេលដែលនាងបានឮនូវអន្ទងវញ្ចនា (ការចោទប្រកាន់) របស់ពួកនាង នាងក៏បានចាត់បញ្ជូនទៅពួក នាង ហើយនាងរៀបចំសំរាប់ពួកនាងនូវបន្ទប់ទទួលភ្ញៀវមួយ រួចមកនាងបានផ្តល់ទៅគ្រប់រូប ក្នុងចំណោម ពួកនាងនូវកាំបិតមួយម្នាក់ រួចមកនាងថា ចូរយូសុហ្វចេញទៅកាន់ពួកទាំងនោះទៅ។ លុះនៅពេលដែល ពួកនាងបានឃើញយូសុហ្វ ពួកនាងស្រឡាំងកាំងចំពោះយូសុហ្វ ហើយពួកនាងក៏បានកាត់ដៃពួកនាង ផ្ទាល់់ រួចមកពួកនាងបានថា មហាបរិសុទ្ធអល់ឡោះ នេះគឺពុំមែនជាមនុស្សទេ។ នេះគឺគ្មានអ្វីក្រៅពី ម៉ាឡាអ៊ីកាត់ម្នាក់ដ៏ល្អប្រណីតបំផុត

នាងថា ទាំងនេះហើយដែលពួកអ្នកធ្លាប់បានបន្ទោសយើងនោះ ជាការពិតណាស់យើងបានល្បងប្រលោមគេពីរូបគេផ្ទាល់ រួចមកគេរុញច្រាន ហើយការពារបានភាព បរិសុទ្ធរបស់គេ ជាការពិតណាស់ បើគេនៅតែមិនព្រមធ្វើនូវអ្វីដែលយើងដាក់បញ្ជាទៅគេ គេប្រាកដជា នឹងត្រូវដាក់ពន្ធនាគារ ហើយគេនឹងមានក្នុងចំណោមពួកថោកទាប

យូសុហ្វថា ឱម្ចាស់របស់ខ្ញុំ ពន្ធនាគារនោះ ជាទីស្រលាញ់ចំពោះខ្ញុំជាងអ្វីដែលពួកនាងបបួលខ្ញុំនោះទៅទៀត ហើយប្រសិនបើលោក មិនបំបែកចេញនូវល្បិចកលរបស់ពួកនាងពីខ្ញុំទេ ខ្ញុំប្រាកដជានឹងលំអៀងទៅកាន់ពួកនាង ពេលនោះខ្ញុំ ប្រាកដជានឹងមានក្នុងចំណោមពួកឆោតល្ងង់

រួចមក ម្ចាស់របស់គេក៏បានទទួលឆ្លើយតបទៅកាន់គេ វិញ រួចលោកបានបំបែរចេញពីគេនូវល្បិចកលរបស់ពួកនាង។ ការពិត លោកគឺជាអ្នកដឹងបំផុត ឮបំផុត

ក្រោយមក ក៏បានលេចឡើងចំពោះពួកគេនូវអ្វីដែលពួកគេបានមើលឃើញនូវភស្តុតាងៗពួកគេ និង ដាក់ពន្ធនាគារចំពោះយូសុហ្វរហូតដល់ពេលកំណត់មួយ