Surah Yunus Ayahs #42 Translated in Khmer

ឬក៏ពួកអជំនឿថា គេ(មូហាំម៉ាត់)បានច្នៃបង្កើតគួរអាន?។ ថាទៅ អញ្ជឹងចូរពួក អ្នកនាំមកនូវអត្ថបទមួយដែលសមមូលនឹងគួរអាន ហើយចូរពួកអ្នកហៅជនណាក៏ដោយ ដែលពួកអ្នក អាច ហៅបានក្រៅពីអល់ឡោះ បើសិនពួកអ្នកជាអ្នកទៀងត្រង់មែន

ផ្ទុយទៅវិញ ពួកគេបាន បដិសេធគួរអាន ដែលពួកគេមិនទាន់ជ្រួតជ្រាបនូវចំណេះដឹងរបស់វា ហើយការកាត់ន័យរបស់គួរអាន សោតក៏មិនទាន់ដល់ពួកគេទាំងនេះផងដែរ។ ប្រៀបដូចទាំងនេះដែរ ពួកកាលសម័យមុនពួកគេបាន បដិសេធនោះ។ ហេតុនេះ ចូរអ្នកពិនិត្យមើល តើអនាគតពួកបំពារបំពាននឹងក្លាយទៅជាយ៉ាងដូចម្តេច?

ហើយក្នុងចំណោមពួកគេមានអ្នកជឿនឹងគួរអាន ហើយក្នុងចំណោមពួកគេ មានអ្នកមិនព្រមជឿ នឹងគួរអាន។ ហើយម្ចាស់របស់អ្នកដឹងណាស់ចំពោះពួកជនបំផ្លិចបំផ្លាញ

ប្រសិនបើពួកគេបាន ប្រព្រឹត្តកុហកចំពោះអ្នក ពេលនោះ ថាទៅ សំរាប់យើងគឺអំពើរបស់យើង ហើយសំរាប់ពួកអ្នក គឺ អំពើរបស់ពួកអ្នក ពួកអ្នករួចខ្លួនពីអ្វីដែលយើងបានប្រព្រឹត្ត ហើយយើងក៏បានរួចខ្លួនពីអ្វីដែល ពួកអ្នក បានប្រព្រឹត្តនោះដែរ

ហើយក្នុងចំណោមពួកគេ មានពួកអ្នកត្រងត្រាប់ស្តាប់ទៅកាន់អ្នក។ តើអ្នកឬ ដែលនឹងធ្វើឱ្យឮដល់មនុស្សថ្លង់ ប្រសិនបើពួកគេពុំធ្លាប់បានជញ្ជឹងត្រិះរិះសោះនោះ?