Surah Yunus Ayahs #39 Translated in Khmer

ថាទៅ ក្នុង ចំណោមវត្ថុស៊ីរិកទាំងឡាយរបស់ពួកអ្នក តើនរណាម្នាក់អាចមគ្គុទ្ទេសឆ្ពោះទៅសច្ចធម៌បាន? ថាទៅ មានតែអល់ឡោះទេ ដែលលោកមគ្គុទ្ទេសទៅកាន់សច្ចធម៌បាន។ អញ្ចឹង តើអ្នកដែលមគ្គុទ្ទេសឆ្ពោះទៅ សច្ចធម៌សក្តិសមជាងឱ្យគេធ្វើតាម ឬក៏អ្នកដែលមិនអាចមគ្គុទ្ទេសបាន (សូម្បីតែខ្លួនឯង) ទាល់តែគេ មគ្គុទ្ទេសឱ្យខ្លួនវិញនោះ?។ ចុះពួកអ្នកសំអាងអ្វីដែរ? តើពួកអ្នកវិនិឆ្ឆ័យដូចម្តេច?

ភាគច្រើននៃ ពួកគេឥតគោរពតាមអ្វីក្រៅពីការស្មាននោះទេ។ ជាការពិតណាស់ ការស្មាននឹងមិនហុចលទ្ធផលនៃ សច្ចភាពណាមួយបន្តិចឡើយ ។ អល់ឡោះពិតជាដឹងបំផុត នូវអ្វីដែលពួកគេប្រព្រឹត្ត

គួរអាននេះ ពុំមែនគេច្នៃបង្កើតដោយអ្នកក្រៅពីអល់ឡោះនោះទេ ក៏ប៉ុន្តែវាជាការបញ្ជាក់បន្ថែមពីគម្ពីរដែលមានពី មុនវា និងជាបំណកស្រាយលំអិតនៃបទបញ្ញត្តិដែលគ្មានការមន្ទិលសង្ស័យក្នុងវានោះ មកពីម្ចាស់ លោកទាំងមូល

ឬក៏ពួកអជំនឿថា គេ(មូហាំម៉ាត់)បានច្នៃបង្កើតគួរអាន?។ ថាទៅ អញ្ជឹងចូរពួក អ្នកនាំមកនូវអត្ថបទមួយដែលសមមូលនឹងគួរអាន ហើយចូរពួកអ្នកហៅជនណាក៏ដោយ ដែលពួកអ្នក អាច ហៅបានក្រៅពីអល់ឡោះ បើសិនពួកអ្នកជាអ្នកទៀងត្រង់មែន

ផ្ទុយទៅវិញ ពួកគេបាន បដិសេធគួរអាន ដែលពួកគេមិនទាន់ជ្រួតជ្រាបនូវចំណេះដឹងរបស់វា ហើយការកាត់ន័យរបស់គួរអាន សោតក៏មិនទាន់ដល់ពួកគេទាំងនេះផងដែរ។ ប្រៀបដូចទាំងនេះដែរ ពួកកាលសម័យមុនពួកគេបាន បដិសេធនោះ។ ហេតុនេះ ចូរអ្នកពិនិត្យមើល តើអនាគតពួកបំពារបំពាននឹងក្លាយទៅជាយ៉ាងដូចម្តេច?