Surah Yunus Ayahs #22 Translated in Khmer

ពួកគេកំពុងគោរព ប្រណិប័តន៍ក្រៅពីអល់ឡោះ នូវអ្វីដែលពុំអាចផ្តល់ឧបសគ្គដល់ពួកគេ ហើយក៏ពុំ អាចផ្តល់អត្ថប្រយោជន៍ដល់ពួកគេដែរ ហើយពួកគេពោលវាចាថា ពួកទាំងនេះ គឺ ជាពួកដែលគាំពារពួកយើងពីអល់ឡោះ។ ថាទៅ តើពួកអ្នកប្រាប់ទៅអល់ឡោះនូវអ្វី ដែលលោកមិនដឹងនៅឯមេឃនិងដីឬ? មហាកត្តិគុណលោក ហើយលោកមហា ខ្ពង់ខ្ពស់បំផុតពីអ្វីដែលពួកគេធ្វើស៊ីរិកនោះ

មនុស្សឥតមានសណ្ឋានអ្វីក្រៅពី សហគមន៍តែមួយនោះទេ រួចមកពួកគេបានខ្វែងគំនិតគ្នា។ ហើយបើពាក្យពេចន៍ អំពីម្ចាស់របស់អ្នកមិនបានកន្លងផុតទៅទេ ប្រាកដជាគេបានសំរេចរវាងពួកគេក្នុង អ្វីដែលពួកគេតែងតែខ្វែងគំនិតគ្នាក្នុងប្រការនោះ

ហើយពួកគេបាននិយាយថា ហេតុម្តេចគេមិនបានដាក់ចុះទៅលើមូហាំម៉ាត់ នូវអាយ៉ាត់មួយពីម្ចាស់របស់គេ? ដូចនេះ ថាទៅ អាថ៌កំបាំង គឺពិតជាកម្មសិទ្ធិរបស់អល់ឡោះសុទ្ធសាធ ហេតុនេះចូរ ពួកអ្នករង់ចាំចុះ យើងពិតជាក្នុងចំណោមពួកដែលរង់ចាំរួមជាមួយពួកអ្នកដែរ

ហើយកាលណាយើងបានផ្តល់នូវរសជាតិអាណិតអាសូរមួយទៅកាន់មនុស្ស បន្ទាប់ពីគ្រោះ កំណាចបានប៉ះទង្គិចពួគគេ រំពេចនោះ ពួកគេមានល្បិចកលភ្លាមដាក់អាយ៉ាត់ៗរបស់យើង។ ថាទៅ! អល់ឡោះរហ័សរហួនបំផុតនូវឧបាយកល។ រ៉សូលៗរបស់យើង ពិតជាកត់ត្រានូវ អ្វីដែលពួកអ្នកប្រើល្បិចកល

លោកដែលឱ្យពួកអ្នកធ្វើដំណើរនៅលើគោក និងសមុទ្រ រហូតទាល់តែកាលណាពួកអ្នកបាននៅលើនាវា ហើយនាវាក៏បាននាំពួកួគេដោយវាយោ មួយដ៏ល្អប្រណីត ពេលនោះ ពួកគេបានសប្បាយរីករាយដោយសារវាយោនោះ។ វាយោ មួយដែលបានបក់បោកខ្លាំងមកដល់នាវានោះ ហើយរលកពីគ្រប់ទិសទីក៏បានមកដល់ពួកគេ ដែរ ពេលនោះ ពួកគេបាននឹកស្មានថា ពួកគេពិតជាត្រូវបានមរណភាពហ៊ុមព័ទ្ធពួកគេ ពួក គេក៏បានស្រែកហៅទៅអល់ឡោះ ដោយស្មោះស្ម័គ្របំផុតចំពោះសាសនា ដើម្បីលោកថា បើលោកបានសង្គ្រោះយើងពីសភាពនេះ យើងប្រាកដជាក្លាយក្នុងចំណោមពួកកតញ្ញូ