Surah Sad Ayahs #28 Translated in Khmer

គេថា ជាការពិតណាស់គេបានប្រព្រឹត្តអយុត្តិធម៌ ចំពោះអ្នកដោយសារការ ស្នើសុំចៀមញីរបស់អ្នកទៅកាន់ចៀមញីទាំងឡាយរបស់គេ។ ហើយភាគច្រើន នៃពួក ចូលហ៊ុនគ្នាភាគខ្លះ នៃពួកយើងតែងតែរំលោភទៅលើភាគខ្លះទៀត លើកលែងតែពួក ដែលជឿ និងបានសាងអំពើកុសល ហើយតិចបំផុតនៃពួកគេនេះ។ រួចមក ដាវូដបានដឹង ច្បាស់ថា យើងពិតជាបានសាកល្បងគេ រួចមក គេក៏បានសុំអភ័យទោសទៅម្ចាស់របស់គេ ហើយគេក៏បានផ្តួលខ្លួនឱនកាន់ជង្គង់ ហើយសំដែងការសោកស្តាយ

រួចមក យើងក៏ បានអភ័យទោសទៅគេក្នុងរឿងនេះ។ ហើយគេពិតជាអ្នកមានឋានៈជិតបំផុតនៅឯយើង និងទីវិលត្រឡប់ប្រសើរបំផុត

ឱដាវូទ យើងពិតជាបានចាត់អ្នកជាអ្នកគ្រប់គ្រងម្នាក់ នៅផែនដី ដូចនេះ ចូរអ្នកវិនិច្ឆ័យរវាងមនុស្សដោយសច្ចៈ ហើយចូរអ្នកកុំធ្វើតាមកិលេស តណ្ហា វានឹងបន្សាត់អ្នកពីផ្លូវអល់ឡោះ។ ពួកដែលរសាត់ពីផ្លូវអល់ឡោះ សម្រាប់ពួកគេ ពិតជាទណ្ឌកម្មមួយដ៏រឹងត្អឹងបំផុត ដោយសារតែពួកគេបានភ្លេចភ្លាំងចំពោះថ្ងៃជំនុំជំរះ

យើងបានបង្កើតមេឃ និងដី ព្រមទាំងអ្វីនៅចន្លោះទាំងពីរវានេះ ពុំមែនអសារឥតការទេ។ នេះហើយជាការនឹកស្មានរបស់ពួកដែលបានអជំនឿ។ ដូចនេះ គឺអភ័ព្វណាស់សម្រាប់ពួក ដែលបានអជំនឿស្តីអំពីនរក

ឬមួយយើងចាត់ពួកដែលបានជឿ និងបានសាងអំពើ កុសល ដូចគ្នានឹងពួកដែលធ្វើឱ្យច្របូកច្របល់លើផែនដីដែរឬ? ឬមួយយើងចាត់ពួកគោរព កោតខ្លាច ដូចគ្នានឹងពួកខិលខូចដែរឬ?