Surah Sad Ayahs #26 Translated in Khmer

គឺនៅពេលដែលពួកគេបានចូលទៅកាន់ដាវូទ រួចមក គេក៏បានភ្ញាក់ ដោយសារពួកគេ។ ពួកគេថា ចូរអ្នកកុំញញើតអី នេះគូក្តីទាំងពីរភាគខ្លះនៃពួកយើងបាន រំលោភទៅលើភាគខ្លះទៀត ដូចនេះសូមអ្នកវិនិច្ឆ័យរវាងពួកយើងដោយសច្ចៈ ហើយចូរ អ្នកកុំប្រព្រឹត្តអយុត្តិធម៌ ហើយសូមអ្នកដឹកនាំពួកយើងទៅកាន់ផ្លូវត្រូវ

បងប្អូនប្រុសខ្ញុំ នេះពិតជាមានសត្វចៀមញីកៅសិបប្រាំបួនក្បាល ហើយខ្ញុំមានចៀមញីមួយក្បាល រួចគេ នេះថា ចូរអ្នកប្រគល់ចៀមមួយក្បាលឱ្យមកយើង ហើយគេបានសង្កត់សង្កិនខ្ញុំក្នុងកិច្ច សន្ទនា

គេថា ជាការពិតណាស់គេបានប្រព្រឹត្តអយុត្តិធម៌ ចំពោះអ្នកដោយសារការ ស្នើសុំចៀមញីរបស់អ្នកទៅកាន់ចៀមញីទាំងឡាយរបស់គេ។ ហើយភាគច្រើន នៃពួក ចូលហ៊ុនគ្នាភាគខ្លះ នៃពួកយើងតែងតែរំលោភទៅលើភាគខ្លះទៀត លើកលែងតែពួក ដែលជឿ និងបានសាងអំពើកុសល ហើយតិចបំផុតនៃពួកគេនេះ។ រួចមក ដាវូដបានដឹង ច្បាស់ថា យើងពិតជាបានសាកល្បងគេ រួចមក គេក៏បានសុំអភ័យទោសទៅម្ចាស់របស់គេ ហើយគេក៏បានផ្តួលខ្លួនឱនកាន់ជង្គង់ ហើយសំដែងការសោកស្តាយ

រួចមក យើងក៏ បានអភ័យទោសទៅគេក្នុងរឿងនេះ។ ហើយគេពិតជាអ្នកមានឋានៈជិតបំផុតនៅឯយើង និងទីវិលត្រឡប់ប្រសើរបំផុត

ឱដាវូទ យើងពិតជាបានចាត់អ្នកជាអ្នកគ្រប់គ្រងម្នាក់ នៅផែនដី ដូចនេះ ចូរអ្នកវិនិច្ឆ័យរវាងមនុស្សដោយសច្ចៈ ហើយចូរអ្នកកុំធ្វើតាមកិលេស តណ្ហា វានឹងបន្សាត់អ្នកពីផ្លូវអល់ឡោះ។ ពួកដែលរសាត់ពីផ្លូវអល់ឡោះ សម្រាប់ពួកគេ ពិតជាទណ្ឌកម្មមួយដ៏រឹងត្អឹងបំផុត ដោយសារតែពួកគេបានភ្លេចភ្លាំងចំពោះថ្ងៃជំនុំជំរះ