Surah Saba Ayahs #36 Translated in Khmer

ពួកដែលបានកាន់ឬកបាននិយាយទៅកាន់ពួកដែលត្រូវគេប្រមាថថា តើពួកយើងបាន រំខានពួកអ្នកពីមគ្គុទ្ទេសន៍ បន្ទាប់ពីមគ្គុទ្ទេសន៍នោះបានទៅដល់ពួកអ្នកឬ? ពុំមែនទេ ការពិតពួកអ្នកជាពួកឧក្រិដ្ឋជន

ហើយពួកដែលត្រូវគេប្រមាថ បាននិយាយទៅ កាន់ពួកបានកាន់ឫកថា ពុំមែនទេ ការពិតគឺជាការបោកប្រាសនៅពេលរាត្រីកាល និង ទិវាកាល ខណៈដែលពួកអ្នកបញ្ជាពួកយើង ឱ្យពួកយើងអជំនឿនឹងអល់ឡោះ និងឱ្យ ពួកយើងចាត់ទុកចំពោះលោកនូវវត្ថុស៊ីរិកទាំងឡាយ ។ ហើយពួកគេបានលាក់លៀម ការសោកស្តាយនៅពេលដែលពួកគេបានឃើញទណ្ឌកម្ម ហើយយើងបានដាក់ខ្នោះ នៅនឹងករបស់ពួកដែលអជំនឿ។ តើគេនឹងទូទាត់ពួកគេក្រៅពីអ្វីដែលគេធ្លាប់បានប្រព្រឹត្ត នោះឬ?

អ្នកដាស់តឿនម្នាក់ៗនៅតាមភូមិឋាននីមួយៗដែលយើងបានចាត់បញ្ជូន ទៅនោះ សុទ្ធតែត្រូវបានពួកអ្នកដែលធូធារនៃភូមិឋាននោះថា ពួកយើង គឺពិតជាអ្នក ដែលអជំនឿនឹងអ្វីដែលគេបានចាត់បញ្ជូនទៅកាន់ពួកអ្នកនោះ

ហើយពួកគេថា ទៀត ពួកយើងសំបូរហូរហៀរនូវទ្រព្យធននិងបុត្រធីតា ហើយពួកយើងពុំមែនជាពួក ដែលត្រូវគេធ្វើទណ្ឌកម្មឡើយ

ថាទៅ ការពិតម្ចាស់យើង លោកបានផ្តល់ភាក្សាហារ ទូលំទូលាយចំពោះជនដែលលោកប្រាថ្នា ហើយលោកនឹងកំរិត ក៏ប៉ុន្តែភាគច្រើននៃ មនុស្សនៅតែមិនយល់ដឹង