Surah Luqman Ayahs #30 Translated in Khmer

កម្មសិទ្ធិរបស់អល់ឡោះ គឺអ្វី ដែលនៅឯមេឃទាំងឡាយនិងដី។ ការពិតអល់ឡោះ លោកជាអ្នកដែលមានបំផុត ថែមទាំងជាទី កោតសរសើរ

ហើយបើរុក្ខជាតិដែលមាននៅផែនដីជាស្លាបប៉ាកា ហើយសមុទ្រមួយដែល ក្រោយពីនោះមក មានប្រាំពីរសមុទ្រទៀត ដែលផ្តល់បន្ថែមជូនសមុទ្រនោះជាទឹកខ្មៅ ក៏សំដី ទាំងឡាយរបស់អល់ឡោះនឹងមិនបានអស់ដែរ។ ជាការពិតណាស់ អល់ឡោះជាអ្នកពលានុពល មហាគតិបណ្ឌិត

ការបង្កើតពួកអ្នក និងការប្រោសពួកអ្នក គ្មានអ្វីក្រៅពីប្រៀបបីដូចជា មនុស្សតែមួយនាក់គត់។ ពិតប្រាកដណាស់ អល់ឡោះជាអ្នកដែលឮបំផុត ជាអ្នកឃើញបំផុត

តើអ្នកមិនទាន់ឃើញទេឬ? ការពិតអល់ឡោះបានបញ្ចូលរាត្រីកាលទៅក្នុងទិវាកាល ហើយលោកបញ្ចូលទិវាកាលទៅក្នុងរាត្រីកាល រួចលោកបានសំរួលសុរិយា និងចន្ទ្រា ទាំងអស់នោះធ្វើចលនាឆ្ពោះទៅកាន់កាលកំនត់មួយដែលគេកំរិត ហើយអល់ឡោះ ពិតជាអ្នកដែលដឹងបំផុត នូវអ្វីដែលពួកអ្នកបានប្រព្រឹត្តនោះ

ទាំងនេះ ដោយសារ អល់ឡោះ លោកពិតជាសច្ចៈ រីឯវត្ថុដែលពួកគេកំពុងបួងសួងក្រៅពីលោកនោះ គឺ ពិតជាខុសឆ្គង ហើយអល់ឡោះ លោកពិតជាអ្នកដែលមហាខ្ពង់ខ្ពស់មហាធំក្រៃលែង