Surah Luqman Ayahs #18 Translated in Khmer

ហើយយើងបានបង្គាប់មនុស្ស ស្តីពីមាតាបិតាគេ មាតាគេបានពរផ្ទៃគេដោយលំបាកមួយលើលំបាក ហើយផ្តាច់ដោះគេ នៅក្នុងអាយុពីរឆ្នាំ។ ចូរអ្នកសំដែងកតញ្ញុតាចំពោះយើង ហើយនឹងចំពោះមាតាបិតារបស់ អ្នក។ ឆ្ពោះទៅកាន់យើង ជាទីដែលត្រូវត្រឡប់

ហើយប្រសិនបើលោកទាំងពីរបាន បង្ខំអ្នកទៅលើករណីឱ្យអ្នកស៊ីរិកនឹងយើង នូវអ្វីដែលអ្នកពុំដឹងទេនោះ។ ពេលនេះ ចូរ អ្នកកុំប្រតិបត្តតាមលោកទាំងពីរ ក៏ប៉ុន្តែចូរអ្នករាប់អានលោកទាំងពីរក្នុងលោកិយ ដោយ សមរម្យ ហើយចូរអ្នកធ្វើតាមផ្លូវជនដែលបានលំអៀងឆ្ពោះទៅកាន់យើង។ ក្រោយមក ឆ្ពោះទៅកាន់យើងទីដែលត្រឡប់ពួកអ្នក រួចមកយើងនឹងប្រាប់ទៅពួកអ្នក តាមតែអ្វីដែល ពួកអ្នកធ្លាប់បានប្រព្រឹត្ត

ឱបុត្រាយើង! ជាការពិតណាស់ ប្រសិនបើវាមានទម្ងន់ប៉ុន គ្រាប់ស្ពៃ រួចវានៅក្នុងថ្ម ឬនៅឯមេឃទាំងឡាយ ឬនៅក្នុងដី ក៏អល់ឡោះនឹងនាំវាមក ដែរ។ ការពិតអល់ឡោះជាអ្នកដែលទន់ភ្លន់បំផុត ជាអ្នកដែលដឹងបំផុត

ឱ បុត្រារបស់ យើង! ចូរអ្នកបញ្ឈរសឡាតិ៍ ចូរអ្នកប្រើគេឱ្យធ្វើអំពើល្អ ហើយចូរអ្នកហាមឃាត់គេអំពី ប្រការអាក្រក់ ហើយចូរអ្នកអត់ធ្មត់នៅលើអ្វីដែលបានប៉ះទៅត្រូវអ្នក។ ការពិតទាំងអស់ នេះ គឺជាសេចក្តីសម្រេចចិត្តនៅក្នុងការងារទាំងឡាយ

ហើយចូរអ្នកកុំបែរមុខងាក ចេញពីមនុស្ស(ដោយក្រអឹតក្រទម) ហើយចូរអ្នកកុំដើរនៅលើដី ដោយក្រអឺតក្រអោង ការពិតអល់ឡោះមិនស្រឡាញ់ទេរាល់អ្នកដែលវាយឫកធំ ព្រមទាំងក្រអឺតក្រអោង