Surah Luqman Ayahs #19 Translated in Khmer

ហើយប្រសិនបើលោកទាំងពីរបាន បង្ខំអ្នកទៅលើករណីឱ្យអ្នកស៊ីរិកនឹងយើង នូវអ្វីដែលអ្នកពុំដឹងទេនោះ។ ពេលនេះ ចូរ អ្នកកុំប្រតិបត្តតាមលោកទាំងពីរ ក៏ប៉ុន្តែចូរអ្នករាប់អានលោកទាំងពីរក្នុងលោកិយ ដោយ សមរម្យ ហើយចូរអ្នកធ្វើតាមផ្លូវជនដែលបានលំអៀងឆ្ពោះទៅកាន់យើង។ ក្រោយមក ឆ្ពោះទៅកាន់យើងទីដែលត្រឡប់ពួកអ្នក រួចមកយើងនឹងប្រាប់ទៅពួកអ្នក តាមតែអ្វីដែល ពួកអ្នកធ្លាប់បានប្រព្រឹត្ត

ឱបុត្រាយើង! ជាការពិតណាស់ ប្រសិនបើវាមានទម្ងន់ប៉ុន គ្រាប់ស្ពៃ រួចវានៅក្នុងថ្ម ឬនៅឯមេឃទាំងឡាយ ឬនៅក្នុងដី ក៏អល់ឡោះនឹងនាំវាមក ដែរ។ ការពិតអល់ឡោះជាអ្នកដែលទន់ភ្លន់បំផុត ជាអ្នកដែលដឹងបំផុត

ឱ បុត្រារបស់ យើង! ចូរអ្នកបញ្ឈរសឡាតិ៍ ចូរអ្នកប្រើគេឱ្យធ្វើអំពើល្អ ហើយចូរអ្នកហាមឃាត់គេអំពី ប្រការអាក្រក់ ហើយចូរអ្នកអត់ធ្មត់នៅលើអ្វីដែលបានប៉ះទៅត្រូវអ្នក។ ការពិតទាំងអស់ នេះ គឺជាសេចក្តីសម្រេចចិត្តនៅក្នុងការងារទាំងឡាយ

ហើយចូរអ្នកកុំបែរមុខងាក ចេញពីមនុស្ស(ដោយក្រអឹតក្រទម) ហើយចូរអ្នកកុំដើរនៅលើដី ដោយក្រអឺតក្រអោង ការពិតអល់ឡោះមិនស្រឡាញ់ទេរាល់អ្នកដែលវាយឫកធំ ព្រមទាំងក្រអឺតក្រអោង

ហើយចូរអ្នកធ្វើសុភាពនៅក្នុងដំណើររបស់អ្នក ហើយចូរអ្នកបន្ទាបបង្អោនពីសំឡេង របស់អ្នក។ ការពិតសំឡេងដែលគួរឱ្យស្អប់ជាងគេនោះ គឺជាសំឡេងរបស់សត្វលា