Surah Ibrahim Ayahs #32 Translated in Khmer

តើអ្នក ឃើញដែរឬទេ? ចំពោះពួកដែលបានប្តូរការុណភាពរបស់អល់ឡោះនូវអជំនឿមួយ ហើយពួកគេបានទុកដាក់ក្រុមមនុស្សរបស់ពួកគេនៅលំនៅហិនហោច?

គឺ នរកឆាបឆេះ ពួកគេនឹងចូលទៅនរកនោះ។ ហើយជាជំរកដ៏អាក្រក់បំផុត

ហើយពួកគេបានចាត់ទុកថា អល់ឡោះមានការប្រៀបផ្ទឹមទាំងឡាយ ដើម្បីពួក គេនឹងបន្សាត់ពីមាគ៌ារបស់លោក។ ចូរថាទៅ ចូរពួកអ្នកទទួលការត្រេកត្រអាល ទៅចុះ ពីព្រោះទីនិវត្តន៍របស់ពួកអ្នក គឺឆ្ពោះទៅកាន់នរក

ចូរថាទៅកាន់អ្នក ដែលគោរពយើងដែលមានជំនឿថា ចូរពួកគេបញ្ឈរសឡាតិ៍ និងចំណាយចាយ ភាគខ្លះនៃអ្វីដែលយើងបានផ្តល់ជាភាក្សាហារទៅកាន់ពួកគេទាំងស្ងាត់កំបាំង និង ទាំងចំហត្រដាង មុននឹងដល់ថ្ងៃមួយដែលគ្មានទេការលក់ដូរណាមួយ ហើយក៏ គ្មានដែរសម្ព័ន្ធមិត្ត

អល់ឡោះដែលបានបង្កើតភពមេឃទាំងឡាយ និងភព ផែនដី ហើយលោកក៏បានបញ្ចុះនូវទឹកភ្លៀងពីមេឃ រួចមកដោយសារទឹក លោក ក៏បានបញ្ចោញនូវផលានុផលទាំងឡាយ ដើម្បីជាចំណីអាហារសម្រាប់ពួកអ្នក។ ហើយលោកបានសំរួលឱ្យពួកអ្នកនូវនាវា ដើម្បីនឹងធ្វើដំណើរនៅសមុទ្រតាមការ យល់ព្រមរបស់លោក។ ហើយលោកក៏បានសំរួលឱ្យពួកអ្នក នូវទន្លេទាំងឡាយ