Surah Ibrahim Ayahs #34 Translated in Khmer

ហើយពួកគេបានចាត់ទុកថា អល់ឡោះមានការប្រៀបផ្ទឹមទាំងឡាយ ដើម្បីពួក គេនឹងបន្សាត់ពីមាគ៌ារបស់លោក។ ចូរថាទៅ ចូរពួកអ្នកទទួលការត្រេកត្រអាល ទៅចុះ ពីព្រោះទីនិវត្តន៍របស់ពួកអ្នក គឺឆ្ពោះទៅកាន់នរក

ចូរថាទៅកាន់អ្នក ដែលគោរពយើងដែលមានជំនឿថា ចូរពួកគេបញ្ឈរសឡាតិ៍ និងចំណាយចាយ ភាគខ្លះនៃអ្វីដែលយើងបានផ្តល់ជាភាក្សាហារទៅកាន់ពួកគេទាំងស្ងាត់កំបាំង និង ទាំងចំហត្រដាង មុននឹងដល់ថ្ងៃមួយដែលគ្មានទេការលក់ដូរណាមួយ ហើយក៏ គ្មានដែរសម្ព័ន្ធមិត្ត

អល់ឡោះដែលបានបង្កើតភពមេឃទាំងឡាយ និងភព ផែនដី ហើយលោកក៏បានបញ្ចុះនូវទឹកភ្លៀងពីមេឃ រួចមកដោយសារទឹក លោក ក៏បានបញ្ចោញនូវផលានុផលទាំងឡាយ ដើម្បីជាចំណីអាហារសម្រាប់ពួកអ្នក។ ហើយលោកបានសំរួលឱ្យពួកអ្នកនូវនាវា ដើម្បីនឹងធ្វើដំណើរនៅសមុទ្រតាមការ យល់ព្រមរបស់លោក។ ហើយលោកក៏បានសំរួលឱ្យពួកអ្នក នូវទន្លេទាំងឡាយ

ហើយលោកបានសម្រួលឱ្យពួកអ្នកនូវសុរិយា និងច័ន្ទ្រា វិលវេនទាំង ពីរជាប់ ជានិច្ច។ ហើយលោកក៏បានសម្រួលឱ្យពួកអ្នកនូវរាត្រីកាល និងទិវាកាល

ហើយលោកបានផ្តល់ឱ្យពួកអ្នក នៃគ្រប់អ្វីដែលពួកអ្នកបានស្នើសុំទៅលោក។ ហើយ ប្រសិនបើអ្នករាប់គិតនូវការុណភាពរបស់អល់ឡោះ ពួកអ្នកនឹងរាប់មិនអស់ឡើយ។ ការពិតមនុស្សពិតជាអ្នកដែលអយុត្តិធម៌បំផុត ហើយអជំនឿទៀតផង