Surah Hud Ayahs #91 Translated in Khmer

ពួកគេថា នែ៎ស៊ូអែប! តើសឡាតិ៍របស់អ្នកបញ្ជា អ្នកឱ្យយើងបោះបង់អ្វី ដែលជីដូនជីតាយើងប្រណិប័តន៍នោះឬ? ឬមួយមិនឱ្យយើង ប្រព្រឹត្តនៅក្នុងទ្រព្យសម្បត្តិរបស់យើង នូវអ្វីដែលយើងបានប៉ងប្រាថ្នានោះឬ? ការពិត អ្នកគឺពិតជាអ្នកដែលអត់អោន ថែមទាំងឈ្លាសវៃបំផុត

គាត់ថា នែ៎ក្រុមមនុស្ស របស់យើង! តើពួកអ្នកយល់ឃើញយ៉ាងណាដែរ ប្រសិនបើយើងស្ថិតនៅលើ ភស្តុតាងណាមួយពីម្ចាស់របស់យើង ហើយលោកក៏បានផ្តល់អាហារដល់យើងអំពី លោកនូវអាហារមួយដ៏ល្អ ហើយយើងគ្មានបំណងនឹងធ្វើឱ្យផ្ទុយគ្នានឹងពួកអ្នកចំពោះ អ្វីដែលយើងហាមឃាត់ពួកអ្នកនោះដែរ ។ ហើយយើងក៏គ្មានបំណងណាមួយក្រៅ ពីកែសម្រួលអ្វីដែលយើងមានលទ្ធភាពនោះឡើយ ។ ហើយគ្មានការសម្រេចបំណង របស់យើងក្រៅពីដោយសារអល់ឡោះ។ ចំពោះលោកតែមួយគត់ ដែលយើងបាន ប្រគល់ ហើយឆ្ពោះទៅកាន់លោកតែមួយគត់ដែរ ដែលយើងវិលត្រលប់ទៅរក

នែ៎ក្រុមមនុស្សរបស់យើង! ចូរកុំនាំឱ្យំថែមឧក្រិដ្ឋទៅកាន់ពួកអ្នក ដោយការប្រេះឆាជាមួយ យើង ដែលនឹងប៉ះពាល់ចំពោះពួកអ្នក ដូចដែលធ្លាប់បានប៉ះពាល់ចំពោះក្រុមមនុស្សរបស់ណូហ៍ ឬក្រុមមនុស្សរបស់ហ៊ូទ ឬក្រុមមនុស្សរបស់សាឡេះ ។ ហើយក្រុមមនុស្សរបស់លូទ ក៏មិន ឆ្ងាយពីពួកអ្នកដែរ

ហើយចូរពួកអ្នកសុំអភ័យទោសចំពោះម្ចាស់របស់ពួកអ្នក ក្រោយមក ចូរពួកអ្នកវិលទៅកាន់លោក។ ពិតប្រាកដម្ចាស់របស់យើង ជាអ្នកដែលអាណិតអាសូរបំផុត ជាអ្នក អាណិតស្រលាញ់បំផុត

ពួកគេថា នែ៎សូអែប! យើងមិនទាន់យល់ទេ ភាគច្រើននៃអ្វីដែល អ្នកនិយាយ ហើយយើងពិតជាមើលឃើញអ្នក ជាអ្នកអន់ខ្សោយបំផុតនៅក្នុងពួកយើង ហើយ ប្រសិនបើគ្មានបក្ខសម្ព័ន្ធរបស់អ្នកទេ ប្រាកដជាត្រូវបានយើងគប់អ្នកនឹងដុំថ្មហើយ។ ហើយអ្នក ក៏ពុំមែនជាអ្នកដែលមានពលានុពលលើពួកយើងដែរ